GMN TV Politika PR dekreta Estadu Emerjénsia, Governu husu sidadaun hotu hakmatek iha uma

PR dekreta Estadu Emerjénsia, Governu husu sidadaun hotu hakmatek iha uma

0 views

Governu liu husi Ministru Reforma Lejislativa Asuntu Parlamentares, Fidelis Leite Magalhães, husu ba komunidade sira hela iha uma, bainhira Prezidente Repúblika (PR), Francisco Guterres Lú Olo, dekreta ona Estadu Emerjénsia.

“Bainhira deklarasaun Estadu Emerjénsia hetan autorizasaun husi Parlamentu Nasionál, ne’e tama efetivu ona ita ejiji atu komunidade sira hela iha uma, tanba ne’e tenke prepara-an, bainhira ita iha Estadu Emerjénsia”, hateten, Ministru Reforma Lejislativa Asuntu Parlamentares, Fidelis Leite Magalhães, iha CCD Kuarta (25/03/2020).

Maibé, Fidelis esplika, Governu sei buka dalan supply, liña ba ai-han labele para, maibé ida ne’e labele sai razaun “ida hanoin ita impoen Estadu Emerjénsia, komunidade sira uza ida ne’e sai razaun, hodi halo movimentu hodi lakon tiha disiplina.”

Fidelis realsa liutan, tuir estudu ne’ebé espesialista sira halo, katak esperiensia hanesan Italia nian, iha pontu rua ne’ebé kontribui ba númeru ema mate aas tebes, ida mak sira nia populasaun idade avansada, nia persentajen ne’e bo’ot, no ida fali nia sidadaun sira lakohi tuir regra, ema impoen ona Estadu Emerjénsia maibé sira sei lao buka malu nafatin.

“Bainhira ita hola medida husu bo’ot ba inan-aman sira, no maun alin sira se ita hadomi malu karik, husu atu família hotu labele sai, hela iha uma, bainhira iha família  ida mak iha ema ida sai, ba paseu no kontaktu fíziku ho ema barak durante periodu emerjénsia nia bele lori moras ba uma laran,” hatete,Fidelis.

Fidelis mós husu ba joven sira atu iha responsabilidade, tamba joven hanoin nia aan ne’e forti, maibé keta haluhan katak, bele lori fali moras ne’e ba ema seluk, no ema ne’ebé ita hadomi mak bele sai vítima ba moras ida ne’e.

“Médiku sira servisu lor-loron sei halo esforsu bo’ot ida atu kombate COVID-19, tamba ne’e família  sira hela iha uma ho hakmatek, atu bele hadok aan husi  moras refere, jornalista sira sei kontinua buka informasaun, maske iha risku husi COVID-19, maibé kontinua servisu hodi lori informasaun, atu nune’e família  sira hela ho hakmatek iha uma, hodi hases aan husi moras ne’e, atu nune’e populasaun sira labele kona moras refere,”afirma, Fidelis.Cin


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker