GMN TV Politika PR husu PN aprova lalais alterasaun lei jestaun finanseira

PR husu PN aprova lalais alterasaun lei jestaun finanseira

0 views

Prezidente Repúblika, Francisco Guterres Lú Olo, husu ba deputadu sira iha Parlamentu Nasional (PN), atu aprova lalais alterasaun lei jestaun finanseira, hodi fó dalan ba governu foti osan, atu responde lalais ba povu sira nia nesesidade, liu-liu ba populasaun  sira ne’ebé afeta ba inundasaun.

“Husu ba Parlamentu atu aprova lalais proposta lei alterasaun ba lei orsamentu jestaun finanseira, atu governu bele foti osan lalais, hodi responde ba povu nia susar no país tomak nian”, deklara Prezidente Repúblika Francisco Guterres Lú Olo, Sesta (20/03/2020) iha Palásiu Prezidensial Bairo Píte, Díli.

Xefe Estadu ne’e salienta, ho dezastre naturais ne’e, nakfilak Díli sai sidade tahu laran, uma naksobu ka aat, família barak lakon sasan no aihan, agora rai rahun sae maka’as, ema nia saúde mós tama iha risku, afetadu sira presiza hotu-hotu nia apoiu, presiza hahán, bee mós , roupa, aimoruk material ba harii ka hadi’ak uma.

“Prezidente Repúblika, hato’o hakuak bo’ot no solidariedade ba maluk afetadu sira, iha tempu halerik ba susar oi-oin, ne’ebé hatodan sira-nia moris, ha’u nia hakuak bo’ot mós ba família ne’ebé lakon joven dia husi uma laran”, subliña Lú Olo.

Prezidente Repúblika husu ba ema hotu atu fó liman ba malu, servisu hamutuk, iha tempu susar ne’e, no husu ba entidade relevante  sira atu haree oinsa hadi’ak sidade Díli ho Planu Urbanizasaun, ne’ebé fasilita populasaun nia moris diak, iha  tempu saida deit.

“Dezastre natural bo’ot ida, iha Munisípiu Díli, iha loron 13 fulan Marsu liubá, udan bo’ot no bee-sae, iha mota Maloa, Becusi, Becora no Hera, fó konsekuensia aat no bo’ot tebes ba ita-nia ema, tuir relatóriu ikus liu husi Servisu Protesaun Sivíl, ho data 19 fulan Marsu, bee-mota lori joven ida to’o mate, ema nain haat hetan kanek, no ita-nia ema rihun rua nulu resin haat, atus tolu rua nulu resin haat, mak afetadu husi bee-sae, iha Díli”, hakotu Lú Olo. Oly


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker