Liu husi konferénsia estraordenáriu Partidu Unidade Dezenvolvimentu Demokratiku (PUDD) deside ho aklamasaun hodi reafirma pozisaun atu involve iha koligasaun foun hodi forma Governu da sia.
PUDD realiza konferensia nasional extraordinariu ne’e hamosu rezoluasaun ida ho númeru 001/PUDD/III/2020 deside hodi involve iha koligasaun foun ho partidu sira hanesan CNRT, KHUNTO, PD, UDT no Frente Mundansa atu hetan Aliansa Maioria parlamentar hodi forma IX governu.
Prezidente Oragaun Profesional PUDD, Alberto de Carvalho Araujo ne’ebé sai nu’udar porta voz ba konferensia ne’e hateten, Partidu hili dalan ida ne’e hodi solusioan impase politika ne’ebé lao durante tinan 3 ona.
“Atu Solusiona Impaase politika, presija duni koligasaun foun entre partidu politiku sira ne’ebé iha asentu parlamentar hodi forma koligasaun foun ida atu hetan Aliansa Mairoia Parlamentar iha Parlamentu Nasional hodi forma IX governu konsituisional atu solusiona impaase politika,” dehan Alberto iha Hotel Vila-Verde iha Konferensia Nasional Extraordinariu PUDD, Domingo (08/03/2020).
Sekretariu Jeral PUDD, José Monteiru esplika, partidu laiha duvidas hodi hamutuk ho CNRT no partidu 4 seluk tanbá ho intensaun atu lori nasaun ida ne’e ba oin.
“Ami iha esperansa PUDD iha prinsipiu sempre fo solusaun diak ba nasaun ba povu no rai Timor-leste nia paz no setabilidade PUDD prontu, husi PUDD nia pensamentu mak husu partidu boot sira hamutuk PUDD hanesan partidu foun prontu kontribui,” esplika José.
Konferénsia Nasional ne’e partisipa husi konfesista 85 ne’ebé iha estrutura nasional munisípiu no komisáriu pilitiku nasional hodi haktuir lei partidu numeru 2/2016 artigu 9.1 loron 17 fulan Janeiru.
Konferensia extraordenáriu ne’e realiza hodi responde ba ezijensia Prezidente Republika nian kona bá atu kompleta rekezitus koligasaun nian mak foin bele forma governu foun. Ida
