GMN TV Politika SECOMS husu ba entidade Estadu labele taka informasaun ba mídia

SECOMS husu ba entidade Estadu labele taka informasaun ba mídia

0 views

Sekretariu Estadu Komunikasaun Sosiál (SECOMS), Mericio Juvinal Akara hatete, SECOMS koalia ona entidades hotu labele taka informasaun ba mídia, tamba mídia mak sei transmite informasaun ba públiku, atu evita ema soe lia falsu.

Mericio esplika, bainhira iha entidade balun taka dalan ba mídia hodi la fó informasaun, bele informa mai SECOMS, hodi buka tuir, tamba konstituisaun garante liberdade imprensa.

Governu liu husi SECOMS hakarak asegura, kna’ar mídia nian, tamba iha kontextu agora kna’ar mídia importante tebes, bainhira mídia la funsiona no informasaun la fó sai ba públiku, ema hotu sei konfuzaun no paniku tamba simu lia falsu.

“Entidades Estadu sira ami husu labele taka dalan ba mídia, no labele limiti asesu bainhira mídia hala’o nia kna’ar, no presiza fasilita no simu jornalista ho di’ak, tamba mídia mak sai fontes informasaun, no ajuda Estadu hodi dezamina informasaun ba ita nia sidadaun, tamba ne’e tenki fó informasaun ne’ebé los ba mídia”, afirma, Sekretariu Estadu Komunikasaun Sosiál, Mericio Juvinal Akara, ba GMN iha nia kna’ar fatin Palasiu Governu, Tersa (24/03/2020).

Portavos Governu ne’e hatutan, SECOMS reforsa ekipa konzunta hodi defende, nesesidade interese orgaun komunikasaun sosiál liu-liu jornalista, tamba jornalista ho mediku sira mak iha liña dahuluk hodi kombate COVID-19, tamba ne’e presiza fó atensaun makas ba mídia no mediku.

Ekipa konjunta SECOMS prepara ekipamentu baziku, masker no luvas, iha fatin ne’ebé mak jornalista sira ba halo kobertura, liu-liu iha Ministeriu Saúde Caicoli.

“Ha’u mós fó hanoin ba mídia na’in sira, antes atu haruka jornalista sira ba kobertura, presiza fasilita ekipamentu baziku, maibé governu sei la taka matan, atu kontinua apoiu no fó seguransa ba jornalista sira,” deklara, Mericio.Cin


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker