GMN TV Politika Tanba pandemia COVID-19, Alkatiri: Laiha dalan ba eleisaun antesipada

Tanba pandemia COVID-19, Alkatiri: Laiha dalan ba eleisaun antesipada

0 views

Sekretáriu Jerál Partidu FRETILIN, Mari Bin Amude Alkatiri, hateten, laiha dalan ba Eleisaun Antesipada (EA), tanba ne’e presiza fó kondisaun ba Governu atuál hodi funsiona.

“Agora laiha dalan para eleisaun antesipada ho krize ita nia oi-oin, liu-liu Corona Virus signifika katak laiha dalan, ha’u koalia ho ita bo’ot sira (Jornalista-red) hadook-an, bainhira ba eleisaun antesipada ha’u atu koalia oinsá, laiha dalan para halo eleisaun”, Marí Bin Amude Alkatiri, hato’o lia hirak ne’e, ba Jornalista sira, iha Comite Central da Fretilin (CCF), Kinta (19/03/2020).

Alkatiri esplika, Governu labele iha krize, tenke fó kondisaun ba governu atu funsiona, tenke fó kondisaun ba governu atu bele halo sosializasaun didiak ba povu tomak atu hadok aan husi moras, Corona Virus no moras seluk, liu-liu Corona Virus.

“Hadok-an husi moras para bele hadok ema seluk husi moras, ne’e mak regra no tenki halo, lalika halai buka poder ne’e la’os tempu, tempu agora atu salva povu bainhira moras ne’e atu hadaet mai ita”, afirma, eis Primeiru Ministru ne’e.

Tamba ne’e, Alkatiri husu para Parlamentu Nasionál, Prezidente Repúblika no Governu tenke koalia ba malu, para bele iha orsamentu espesial ida ba tempu krize ekonomia nian.

Alkatiri mós dezafia, líderansa sira tun ba baze haree povu nia moris la’o oinsá, sé ne’e la’os krize ekonomia hein mate ona mak ita hakoi ka, solusaun governu tenki funsiona, solusaun ita tenki hakotu impase, no agora importante liu ita tenki prepara-an atu hasoru moras Corona Virus.Cin

 


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker