GMN TV Politika Tilman konsidera Prezidente Repúblika atraza ona foti dezisaun ba PN

Tilman konsidera Prezidente Repúblika atraza ona foti dezisaun ba PN

0 views

Jurista Timor-Oan, Manuel Tilman konsidera, Prezidente Repúblika (PR) Francisco Guteres Lú Olo, atraza ona foti desizaun ba Parlamentu Nasional (PN), tanba liu ona loron 60.

Manuel Tilman hateten, desizaun ne’ebé Prezidente Repúblika atu foti hotu hakotu impase polítiku rai laran atraza ona, tanba, loron 60 ne’ebé determina iha konstituisaun RDTL liu ona.

“Ne’e responsabilidade Prezidente ni’an maibé há’u hanoin prezidente atrazadu ona la’os falta maibé atrazadu ona, tanba ita iha orsamentu rua orsamentu 2020 ita karik labele hadia ona  sé labele hadia ona, ita kala aguenta duodésimu ne’e to’o dezembro, dezembro ne’e sei do’ok ita agora foin fulan marsu, 2021 prezidente tenke iha previzaun, prezidente labele estuda prezudika fali povu, tanba saída há’u dehan prejudika labele aguenta tinan 2 tuir, tuir malu ho duodésimu”, dehan, Jurista Timor-Oan, Manuel Tilman ba JN-Diário, iha nia knar fatin Gardeng Beach Praia dos Quoqueros, Sabadu (21/03).

Tuir Manuel Tilman,  impasse polítiku inserteza ne’ebé la’o iha rai laran, la’os mai husi prezidente repúblika de’it, maibé mai husi lider nasional sira.

“Ha’u la dehan hun husi prezidente, husi líder nasionál sira, prezidente la deside mesak, prezidente rona ami jurista sira hotu, rona ekonomista sira iha rai ne’e no rona ikus mak konsellu do Estadu ho líder nasional da resistência sira, ne’e duni la’os prezidente nia kulpa, maibé ita hotu ni’an”, dehan, Tilman.

Antes ne’e, prezidente parlamentu nasionál, Arão Noe Amaral mós hateten, loron 60 hahu husi loron ne’ebé Orsamentu Jerál Estadu (OJE) sumba iha parlamentu nasionál, la’os últimu tempu, maibé inisiu tempu ba Xefe Estadu, atu hahu foti ona desizaun ruma ba parlamentu nasionál, hafoin orsamentu lakonsege aprova iha Parlamentu Nasionál.

Tanba ne’e, kompetensia tomak Xefe Estadu ni’an, hodi deside opsaun ruma hodi  hakotu impase polítiku ne’e, tuir dalan konstituisional.

Orsamentu Jeral Estadu (OJE) tinan 2020 ho montante tokon USD 1.668, la pasa iha faze jeneralidade iha parlamentu nasionál, tanba hetan votu kontra no abstensaun husi bankada governu rasik hanesan bankada CNRT.Ina


Banner

Foto

Notisia Ikus

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker