GMN TV Politika Aileu sai fatin instaladora ba universitáriu

Aileu sai fatin instaladora ba universitáriu

0 views

Munisípiu Aileu nu’udar planu estratéjiku Aliansa Mudansa ba Progresu (AMP) hodi konsentra Universidade iha Munisipiu Aileu bainhira AMP forma Governu da ualu sei harii Universitáriu geografikamente rai malirin.

Liu husi komisiu publiku, Aliansa Mudansa ba Progreso nian ba dala sanulu iha Municipiu Aileu, Prezidenti AMP, Kay Rala Xanana Gusmão, hateten, Aileu fatin ne’ebe potensial ba Holtikultura, nune’e Aileu mos fatin sentru ba Universiteriu hodi akumula Timoroan sira, tanba geografikamente rai malirin.

Lideransa másimu AMP ne’e hatutan, Aileu oan tenki fiar-an hodi vota ba AMP iha númeru ualu (8), bainhira AMP hetan vitoria, Municipiu Aileu sei konsentra Timoroan hotu hodi kontinua hala’o estudu hodi prepara jerasaun foun hodi ukun nasaun ne’e.

“Baihira imi Aileu hamutuk ho ami, ita hotu prontu hadiak liu tan ita nia Nasaun ne’e hodi deside ita nia nasaun nia destinu,” dehan Xanana Gusmão.

Lider karismatiku ne’e akresenta, Saida mak akontese iha pasadu rekonese duni, ne’e duni CNRT hamutuk ho PLP no KHUNTO prontu ona lori nasaun ne’e ba oin, tanba elisaun antisipada referendum daruak bainhira Aileu oan hamutuk ho munisipiu seluk hodi fo vitoria ba AMP mak hamutuk ho povu lao ba oin.

Kay rala Xanana Gusmão dehan, Progrma prioridade ba munisipiu Aileu mak ba Governasaun Aileu rasik hadi’a kapasidade rekursu umanu hodi eleva kualidade servisu publiku iha Aileu, kontinua promove kualidade jestaun finanseira no boa pratika ba Administrasaun iha Munisipiu.

Nune’e hametin liutan munisipiu Aileu ho cidade amiga husi Hume ho Mureland Australia Portugal ho Korea, nune’e kontinua hametin iha área estudu komparativa ho sidade seluk husi nasaun amiga.

“Ba imi Aileu fiar ka lae imi sei sai Cidade ba Universiteriu, maibe imi tenke fiar kuandu ita manan iha eleisaun,” kaktuir Xanana.

Ba Infra-estrutura báziku iha Municipiu Aileu AMP prioridade liu ba hadia estrada ho ponte ne’ebe liga ba postu administrativu suku ho aldeia, lori eletrisidade ba suku ho aldeia ne’ebe sidauk asesu, fornese bee mós no saneamentu ba fatin ne’ebe sidauk iha.

Nune’e Harii infra-estrutura ne’ebe presiza ba dezenvolvimentu turizmu, kontinua moderniza merkadu tradisional iha Aileu, harii estadion no ginasio ba sentru desportu no arte ho kultura.

Konaba dezenvolvimentu rekursu umanu Xanana prioridade mak prepara no harii universiteriu ne’ebe sidade iha munisipiu Aileu, reforsa ensinu sekundaria tekniku vokasional iha Aileu.

Tanba ne’e AMP mos reforsa dezenvolvimentu setór turismu iha Lagoa Seloi ho ai sirimou, queda de Agua entre Remexiu ho Dare inklui Biodivirsidade hodi asesu ba fatin istoriku sira.

Alende ida ne’e mos AMP sei akua kultura dezenvolve ikan iha seloi kraik, optimiza utulizasaun Lagoa Seloi ho konstrusaun digues ba retensaun no utulizasaun ba agua. Kontinua enkoraja setór investimentu ba setór privadu iha Lekidoe ba Produsaun Sabraka, nune’e kontinua dezenvolve produsaun ba kafé, aifuan ai funan hodi nune’e atrai turista.

Tanba ne’e aileu ona tenki fo konfiasa ba AMP tanba fiar katak programa ne’e sei lori povu timoroan espesial liu ba aileu hodi dezenvove diak liu tan prioridade sira ne’ebe potensial iha Aileu. Mia

 


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker