GMN TV Politika Alkatiri husu PR suspende nia servisu

Alkatiri husu PR suspende nia servisu

0 views

Atu lidera kampaña eleitoral partidu FRETILIN nian iha Eleisaun Antesipada (EA), ne’ebé sei hala’o iha loron sanulu (10), fulan ne’e, Tersa (4/4), Primeiru Ministru (PM), Mari Alkatiri, husu ba Prezidente Repúblika (PR), Francisco Guterres ‘Lú Olo’, suspende nia servisu iha fim de semana ne’e.

“Ha’u informa ba PR katak fim de semana ne’e ha’u sei deskansa uitoan, prepara ha’u nia-an ba kampaña, tanba kampaña besik ona, hotu-hotu hatene katak iha kampaña ida ne’e iha forsa rua (2) maka sei hasoru malu hanesan FRETILIN no Aliansa de Mudansa para Progresso (AMP),” PM, Mari Alkatiri, ba jornalista sira hafoin remata enkontru mensal ho PR Lú Olo, iha Palasiu Prezidensial, Bairo Píte, Díli, Kuarta (04-04-2018), hodi informa situasaun polítika situasaun sosial no ekonómika ba PR.

Nia akresenta, estatutu VII Governu sei servisu nafatin hanesan bai-bain, tanba Governu só para servisu bainhira Governu foun ezisti ona, nune’e laiha mudansa.

“Kargu PM ha’u la fó ba ema ida, ha’u halo kampaña iha Timor laran, sé presiza foti desizaun, ha’u maka foti, la’os ema seluk maka foti. Ha’u la entrega ha’u-nia kargu ba ema seluk. Tanba ha’u maka tenki autoriza selu ema nia saláriu, tantu funsionariu públiku no deputadu, halo pagamentu ba empreza sira. Buat ne’e la’os autoriza de’it, maibé iha kódigu free balance, kódigu ne’e ha’u maka hatene mesak, sé ha’u la tau kódigu free balance iha sistema elektróniku entaun ema la simu osan,” hateten PM Rui.

Iha okaziaun ne’e mós Mari Alkatiri informa, hahú kampaña estatutu VII Governu hanesan Governu jestaun, maibé aktividade Governu kontinua la’o hanesan bai-bain.

Sim Governo gestãomas gestão la signifika la halo aktividade, jestaun ne’e la’os legal, jestaun ne’e aktu prátika normal, la’os dehan estatutu legal la’e, iha Timor-Leste ne’e Governo de gestão akontese loloos bainhira Governu ne’e hetan demisaun husi PR, PR demiti tiha Governu entaun Governu ne’e ate tama to’o Governu foun nia halo jestaun de’it, ne’e maka bolu Governu jestaun,”haktuir Mari Alkatiri.

Entretantu tuir konstituisaun RDTL, artigu 112 sita katak Governu ida hetan demisaun wainhira hahú lejizlasaun foun, PR simu pedidu demisaun hosi PM, PM mate ka hetan susar ba nia isin lolon, Parlamentu Nasionál (PN) la simu programa Governu dala rua tui-tuir malu, PN la simu aprovasaun ba votu konfiansa, aprovasaun mosaun sensura nian husi maioria absoluta tomak husi deputadu ne’ebé sei hala’o knaar nu’udar efetivu.ves


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker