GMN TV Politika AMP garante manan iha Baucau

AMP garante manan iha Baucau

0 views

Vise Prezidente Partidu Libertasaun Popular (PLP),  Sabino Guntur, garante   Aliansa Mudansa ba Progresu (AMP) sei manan  iha eleisaun antesipada  iha Munisípiu Baucau, tamba ne’e husu kordenador sira    presiza servisu maka’as liu tan.

``Ami AMP labele  fó konkluzaun, maibe  depende ba servisu sira nian, responsabilidade husi bloku AMP,  husi  estrutura nasionál to’o kraik ninia responsabiliza  oinsa mak AMP  manan ne´e depende ba iha esforsu servisu, vitoria ne´e, maibe  prosesu mak la´o to´o iha ne´e ba,``esplika Vise  PLP,  Sabino Guntur, ba jornalista sira Sabadu (07/04/18), hafoin hala’o konsilidasaun koligasaun AMP, ne’ebé kompostu husi partidu CNRT, PLP no KHUNTO iha area Nagarjo, Suku Bahu, Postu Administrativu Baucau, Munisípiu Baucau.

Tanba  ne´e mak atu atinji  vitoria ida ne´e, presiza atu integra ba iha AMP.

``Ne´e mak ami  to’o  iha Baucau  fó informasaun ba populasaun sira, oinsa mak  sira bele  kompriende kona-ba prosesu sosial  durante  ne´e la’o iha prosesu libertasaun nasionál ne´e, liu-liu maun boot Taur Matan Ruak, maun Xanana sira nian, sira nain rua ezerse nafatin nia funsaun liu-liu libertasaun povu,``dehan Sabino Guntur.

Alende ne´e, Koordenador Kmanek Haburas Unidade Nasional Timor Oan (KHUNTO),  Munisípiu Baucau,  Angelino  Correia, hateten, partidu KHUNTO la´o  hamutuk ho CNRT ho PLP, ho razaun tanba KHUNTO tama iha fatin ne´ebé kloot, tanba ema hases tiha.

“Ohin  KHUNTO hatene hateke ba kotuk no haree nia aman nain rua (Xanana no Taur) hodi fila fali hamutuk  moris. Tan  ne´e KHUNTO hakarak tane nia ema iha rai laran ne´e, la´os tane fali ema sira ba rai liur. Ha´u hanoin KHUNTO de´it mak mai tane nia Maun Xanana ho maun Taur  atu  ita hamutuk  hodi haforsa malu hodi  luta ba vitoria  povu Timor-Leste nian  iha  12 Maio,``dehan  Angelino  Correia.

Nia  mós agradese  militante  FRETILIN husi Suku Bahu, Wailili, ne´ebé hamutuk ho militante ASDT nian, ne´ebé mak afilia ba AMP.

Militante FRETILIN sira  ne´ebé mak afilia ba AMP husi  Suku  Bahu nian iha ema  21  no Suku Wailili iha ema nain  36.

``Agradese ba  ita bo’ot sira tanba  bele buka malu hamutuk sai ida no hanoin ida de´it hodi foti ita-nia maun nain rua ( Xanana no Taur)  ninia naran iha oin ne´ebé mak ema hatún iha públiku Timor laran no mundu tomak asesu,  ita foti fali sira-nia oin hodi kaer fali ukun, tanba laiha ema seluk  luta iha Timor,``dehan Angelino  Correia.

Entretantu iha loron Sabadu (07/04/18),  estrutura  AMP, husi nasionál no kordenador Munisípiu,  kompostu  husi CNRT, PLP no KHUNTO tesi fita estabelesimentu sede AMP  iha Aldeia Lamegua, Suku Bahu, Postu Administrativu Baucau vila. Ho estabelesimentu sede AMP ne´e  bele haforsa liu tan masa partidu AMP nian iha Munuisípiu Baucau.

Iha Lamegua, Vise Prezidente Dirasaun Nasionál  Francisco da Costa ``Ukulai`` husu komunidade sira atu fó vitoria ba AMP.

``Ha´u-nia introdusaun mak husu ita bo’ot sira lalika ragu-ragu atu fó votus ba AMP, tamba AMP lidera  ho ita-nia maun bo’ot Xanana Gusmão, Taur Matan Ruak nia nia alin Naimori,``dehan Francisco da Costa ``Ukulai`

Francisco da Costa ``Ukulai` hatutan,  maun bo’ot Xanana Gusmão, Taur Matan Ruak ho nia nia alin Naimori, sei la lori povu ba klean ruma, sira nain tolu hakarak lori nasaun ne´e ba oin hamutuk ho povu hodi dezenvolve rai doben Timor-Leste.

Tuir observasaun GMN haree katak,  konsolidasaun AMP  iha Aldeia Lamegua no iha Nagarjo, la hetan seguransa  husi Polísia Nasionál Timor-Leste (PNTL) no la haten observasaun  husi Comissão Nacional de  Eleições (CNE) Munisípiu Baucau.

Liu husi konsolidasaun ne´e  komisaun organizadora bandu atu labarik sira labele partisipa iha eventu konsolidasaun AMP  nian,  maibe labarik minoridade sira nafatin movimentu iha konsolidasaun iha Aldeia Lamegua no Nagarjo.avi


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker