GMN TV Politika AMP lamenta deklarasaun Alkatiri ataka Xanana

AMP lamenta deklarasaun Alkatiri ataka Xanana

0 views

Bloku koligasaun Aliansa Mudansa ba Progresu (AMP) lamenta ho deklarsaun ne’ebé Primeiru Ministru (PM) Mari Alkatiri fo sai hodi ataka Xanana relasiona ho xefi negosiador prinsipal Kay Rala Xanana Gusmão nia aprezentasaun públiku konaba rezultadu Fronteira Marítima (FM) foin lalais iha Dili.

Tuir komisaun jurisdisaun AMP, Arão Noe Amaral, hateten, Governu presiza husu de’it relatoriu FM ne’e ba membru Governu ne’ebé inklina iha ekipa negosiasaun, inklui membru Governu ne’ebé mak reprezenta ona Timor-Leste hodi asina akoordu delimitasaun FM ne’e.

“Ami lamenta ho liafuan ida hanesan ne’e, tuir loos hato’o relatoriu ba Governu ne’e, membru Governu ne’ebé tama iha ekipa ne’e, maun bo’ot nia relatoriu ne’e ba estadu, la’os ba Governu, ne’e lamentavel tebes bainhira líder ida hasai liafuan hanesan ne’e ba líder seluk,”dehan Arão Noe, ba jornalista iha CNE, hafoin partisipa enkontru entre partidu poítiku ho CNE,Kinta(05/04/2018).

Polítiku nain CNRT ne’e hateten, AMP la presiza lori Fronteira Marítima buka votus, tanba povu hotu hatene nanis, se mak luta ba prosesu tomak.

“La presiza lori FM ba kampaña, maun bo’ot hato’o tiha ona relatoriu aberta ba públiku, hanoin públiku mós hatene totalmente saida mak maun bo’ot esplika, la’os lori fali ba kampaña hodi buka votus, maibe ema hotu-hotu no povu Timor hatene hotu katak se mak ba luta hodi defende, maske ema hotu hakarak, maibe tenke iha ema ruma mak hodi hun,”dehan Arão.

Kay Rala Xanana Gusmão, foin lalais mos hatete katak, nia la presiza aprezenta relatoriu ba Governu ida ne’e, tamba iha Ministru delimitasaun Agio Pereira mak iha kompetensia atu aprezenta ba nia Xefi Governu. “La’os ha’u mak aprezenta relatoriu ne’e, maibe Agio Pereira, nia mak membru Governu. Governu ne’e mos halo reuniaun konsellu ministru ida hodi haruka Agio Pereira asina, laos ha’u,”dehan Xanana.

Antes ne’e, PM Marí Alkatiri deklara, xefi negosiador FM Kay Rala Xanana Gusmão indixiplina institusional, tanba seidauk aprezenta relatoriu Fronteira Marítima nian ba Governu, maibe aprezenta uluk relatoriu ba públiku.Say


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker