GMN TV Politika AMP manan, Xanana sei kansela projetu fibra ótika

AMP manan, Xanana sei kansela projetu fibra ótika

0 views

Prezidente Koligasaun Aliansa Mudansa ba Progresu (AMP), Kay Rala Xanana Gusmão, ameasa kansela projetu fibra ótika ne’ebé Governu jestaun FRETILIN admiti, tanba projetu ne’e laiha lejitimidade.

“Governu jestaun laiha ona kbi’it lejitimidade atu halo projetus, iha ne’ebé-ne’ebé de’it, tanba ne’e mak ami aviza de’it Telkomcel kona ba kontratu ne’ebé atu dada fibre ótika ne’e, AMP manan, kontratu ne’e la vale,” katak Xanana Gusmão ba jornalista sira liu husi konferensia ba imprensa iha sede nasional partidu CNRT Dili, Domingu (08/04).

Tanba ne’e, Xanana aviza ba Telkomcel atu hapara projetu ne’e, hodi hein desizaun foun husi Governu foun tuir mai.

Xanana Gusmão dehan, situasaun polítika agora dadauk iha Timor Leste ne’e, Governu laiha lejitimidade atu ukun. Tanba ne’e, Xanana dehan, bainhira AMP manan iha eleisaun antesipada ne’e, AMP sei garante estabilidade Governativa, funsional servisu nian, temporal durante tinan lima, hodi hametin Estadu ninia airing hat.

“Ami husi lideres partidu tolu ne’e nian, (Xanana Gusmão, Taur Matan Ruak no Naimori), ami nia determinasaun bo’ot tebes, atu bele responde ba saida mak povu hakarak,” katak Xanana.

Nia hatutan, haree ba situasaun polítika rai laran, AMP aviza ba povu Timor Leste katak, situasaun polítika iha rai laran ikus-ikus ne’e, AMP apresia tebes desizaun husi Prezidenti Repúblika, Francisco Guterres ‘Lu-Olo’, ne’ebé hasai desizaun atu hakotu tiha impase polítika ne’e.

“Ida ne’e Prezidenti Repúblika hatudu duni defende konstitusional, tanba kuandu la defende, situasaun ne’e la’o nafatin hanesan ne’e de’it, ita lahatene atu ba los ne’ebé. Tanba ida ne’e mak, tanba ne’e, partidu 3 ne’ebé forma AMP, ami fó apresu bo’ot tebes  ba Prezidenti Repúblika,” relata Xanana Gusmão.

Lider máximu AMP ne’e haktuir, lori partidu CNRT, PLP no KHUNTO nia naran, fó apresu ba Prezidenti Repúblika, tanba kumpri duni Konstituisaun da Repúblika.

Xanana dehan, Prezidenti Repúblika hakarak defende Konstituisau, no hakarak valoriza valores demokrátikus, iha Estadu Direitu Demokrátiku ida hanesan Timor Leste.

“Tuir lei, demokrátiku ne’e dehan, povu nia desizaun mak vale, la’os Estadu direitu demokrátiku no la’os, atu diskuti de’it demokrásia.  Valores demokrátika ne’e hanesan ne’e, minoria tenki submete ba maioria, la’os maioria mak tenki hakruk fali ba minoria. Ida ne’e mak ita interpreta tuir ami beik, ami lahatene buat ida, mas buka atu kompriende, ida ne’e la’os ami na’in tolu (Xanana, Taur no Naimori) mak inventa,” katak Xanana.

Tanba ne’e, AMP kongratula povu Timor Leste, li-liu juventude sira, tanba bele hatene no kompriende ona polítika rai laran.

“Tanba ne’e, ita labele aseita atu ameasa malu. Ha’u lori ami nain tolu nia naran (Xanana, Taur no Naimori), ami afirma katak, vontade husi ami nain tolu nian, ami nia determinasaun bo’ot tebes ba saida mak povu hanoin hela,” katak Xanana.

Nia dehan, AMP sei garante no hametin estabilidade Governativa durante tinan lima, no sei implementa programa ne’ebé diak atu povu nia moris sai diak liu tan.

Xanana promete, AMP sei fó nia laran no servisu tomak hodi responde ba povu nia nesesidades, atu kondus ba povu hodi povu bele senti moris diak liutan.cos


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker