GMN TV Politika AMP sei implementa modelu kampaña oin 3

AMP sei implementa modelu kampaña oin 3

Deputadu bankada CNRT,  Arão Noe, informa,  dadauk ne’e, Aliansa Mudansa ba Progresu (AMP) prepara ona atu tu’un ba baze hodi hatudu evidensia ba povu liu husi kampaña. Iha kampaña ne’e, AMP sei implementa modelu kampaña oin tolu iha kada Munisípiu.

“Ami iha modelu kampaña oin tolu, primeiru mak kampaña nivel nasional, ne’ebé Prezidenti partidu tolu ne’e (Xanana, Taur Matan Ruak no Naimori) mak sei la’o iha anivel Munisípiu, no iha ekipa regional ida ne’ebé sei halo kampaña iha nivel regional no Postu Administrativu, no iha tan ekipa ida hala’o kampaña door to door iha nivel Suku no Aldeia,”informa Arão Noe ba GMN iha Parlamentu Nasional Kinta (5/4/18).

Nia informa, dadaun ne’e AMP preparadu husi Nivel Nasional, Munisípiu Postu Administrativu no Suku atu halo kampaña eleitoral 2018.

“Ami-nia programa mós kompletu ona, la’os de’it ba programa kampaña, maibé programa ba formasaun VIII Governu nian mós ami prontu ona, tanba ami lakohi atu husik Estadu ne’e estagnadu hanesan agora dadauk ne’e,” relata Arão Noe.

Nia haktuir, AMP mosu tanba interese nasional povu no nasaun Timor Leste nian. Tanba ne’e mak partidu CNRT, PLP no KHUNTO halo kedas koligasaun antes eleisaun, hodi nune’e bele fasilita formasaun VIII Governu lais liu tan.

Nia haktuir, AMP tenki manan hodi hatur los Estadu Timor Leste ba dalan normal, tanba durante fulan hira  ne’e nia laran, Estadu Timor Leste la’o namlele hela.

“AMP preparadu atu ba kampaña ne’ebé mak sei hahú iha loron 10 Maiu mai, CNE aprova tiha ona ami-nia rejistu, no semana kotuk ami hatama tan lista kandidatura AMP nian, agora prepara de’it ona atu ba kampaña,” relata Arão Noe.cos


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker