GMN TV Politika Assanami apela, Timoroan labele tula ibun ba lideransa nasional

Assanami apela, Timoroan labele tula ibun ba lideransa nasional

0 views

Prezidenti Partidu Demokrátiku (PD), Mariano Assanami Sabino, apela ba Timoroan hotu, liu-liu jerasaun foun sira atu labele tau ibun arbiru ba lideransa nasional sira, tanba maske sira iha frakeza, maibé tenki tane nafatin sira, tanba ho sira mak nasaun Timor Leste ukun aan.

“Ami louva inan aman sira iha teritóriu tomak, tanba durante kampaña buat hotu la’o diak, kontinua mantein disiplina. Ha’u apela mós ba inan aman no joven sira, liu-liu jerasaun nasionalista hotu atu labele tau ibun ba ita nia lider sira, maske nu’udar umanu sira iha frakeza, maibé mai ita hamutuk nafatin tane no foti sira, tanba ho sira mak ohin ita nia nasaun independente, no ho sira mak ita aprende no hateke ba oin,”katak Assanami ba jornalista sira liu husi konferensia ba imprensa iha sede nasional Partidu Demokrátiku Colmera Dili, Kinta (26/04).

Assanami mós  apela ba militantes no kuadrus PD iha Munisípiu hotu atu kontinua koopera ho partidu hotu atu mantein disiplina no paz.

Assanami lori PD nia naran hato’o deskulpa ba militantes no simpatizantes PD nian iha teritóriu Timor Leste, tanba PD labele perkore kampaña ba fatin hotu ne’ebé mak militantes no simpatizantes PD hakarak, tanba tempu limitadu tebes.

“Maske nune’e, imi hotu iha fatin ne’ebé de’it, kontinua hato’o materia kompromisu kampaña ne’ebé mak PD iha ba povu. Ita iha kompromisu eleitoral no programa ne’ebé mak ita aprezenta iha Parlamentu Nasional. Tanba ne’e, husu ba inan aman, militantes no simpatizante sira atu sosializa iha karaik,” katak Assanami.

Asssanami mós hato’o mensazen ba Timor oan sira ne’ebé mak servisu iha estranjeiru atu partisipa iha eleisaun antesipada ne’ebé mak sei hala’o iha loron 12 fulan Maiu ne’e.

“Iha momentu ida ne’e, hakarak mós hato’o mensazen especial ba maun alin, kolega sira ne’ebé mak iha Irlandia, Inglatera, Korea, Portugal no Australia, Partidu Demokrátiku hakruk louba ba imi hotu, imi nia servisu ne’ebé mak iha liur, maske ki’ik maibé eroi tebes ba Timor Leste, imi nia kontribuisaun ba prosesu dezenvolvimentu iha Timor Leste bo’ot tebes,” katak Asanami.

Nia haktuir, PD laiha osan atu halo kampaña iha rai liur hanesan partidu seluk halo, maibé Asanami promete katak, bainhira PD manan iha eleisaun antesipada ne’e, PD kompromete sei kontinua realize kursu Portugues ho tetum ba Timoroan sira nia oan iha rai liur, hodi identidade sidadaun Timor Leste nian labele lakon.

Asanami mós lori PD nia naran fó apresiasaun ne’ebé bo’ot tebes ba CNE, STAE PNTL ne’ebé halo ona esforsu ba prosesu demokratizasaun iha Timor Leste.cos


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker