GMN TV Politika CNE-ParPol verifika kalendáriu kampaña

CNE-ParPol verifika kalendáriu kampaña

0 views

Komisaun Nasionál ba Eleisoens (CNE sigla iha Portugues) halo sorumutu ho Partidu Polítiku (ParPol) hodi rekolla rekomendasaun kalendáriu ba kampaña no halo verifikasaun.     

Hafoin sorumutu, Prezidente CNE, Alcino Barris, esplika, kalendáriu ba kampaña ParPol sira rekomenda hotu ona, maibe seidauk bele fo sai rezultadu, tanba presiza halo verifikasaun ba rekomendasaun balun ne’ebé hanesan.

“Iha aprezentasaun kona-ba kalendáriu ne’ebé parpol sira hatama, tanba iha ne’e opta Sistema dijital, sira hatama maibe iha Sistema ne’e hatudu katak iha parpol balun kalendáriu kampaña eleitoral ne’e soke malu ho partidu sira seluk, ne’eb’e mai buka oinsa hodi rezolve parpol ne’ebé nia oráriu soke malu,”relata Alcino  Barris ba jornalista, hafoin sorumutu ho parpol iha CNE Kolmera, Kinta(05/04/2018).

Prezidente CNE informa, rezultadu verifikasaun kalendáriu ne’e sei fo sai iha tempu badak, antes halo serimonia asina paktu unidade nasionál no serimonia rituaís molok kampaña.

Alcino Bariis haktuir tan, iha sorumutu ne’e hetan prezensa mós husi Polisía Nasionál Timor-Leste diresaun tránzitu nian, hodi esplika regra estrada nian ba partidu polítiku sira, atu bele eduka militantes hodi kumpri durante kampaña.

Alende ne’e, reprezentante bloku koligasaun Aliansa Mudansa ba Progresu (AMP), Arão Noe, hateten, AMP iha kampaña, inklui komísiu umum ba munisipiu 13, no seluk sei halo mini kampaña ne’ebé priense husi estrutura másimu AMP nian ho kuadrus bloku AMP.

“ Ba AMP laiha problema ida, maibe fatin tolu mak identifika katak presiza aserta, ida iha Aileu, no Manufahi, inklui ultimu dia kampaña nian iha Tasi-tolu, tanba partidu 4 kedas mak hili fatin ne’e ho oras hanesan, tanba ne’e mak presiza aserta fali entre partidu  4 ne’e, para hodi haree ida ne’ebé ikus no uluk, depois para balu bele aserta para muda fatin, ne’e duni ladun iha problema fundamental relasaun ho órario kampaña durante fulan ida nian,”dehan Noe.

Nia haktuir tan, tuir ajenda ne’ebé AMP rekomenda ba CNE, kampaña dahuluk, AMP sei hahú iha Munisípiu Ainaro ho tipu kampaña aberta no sei remata iha Dili

“ Abertura iha loron 10 fulan Maiu iha Ainaro, ami nia prezidente partidu 3 sei iha ne’eba hotu, depois kontinuasaun sei fahe ekipa tolu, ekipa ida sei lidera husi maun bo’ot Kay Rala Xanana Gusmão, ekipa ida lidera husi Taur Matan Ruak, no ida seluk sei lidera husi konselleiru superior partidu KHUNTO Naimori. Ami nia programa mós preparadu ona, fundamental liu mak atu restaura fali konstituisaun no lei sira hanesan estadu direitu demokrátiku, no atu defende riku soin Timor nian, seluk programa sira ne’ebé implementa ona iha planu estratéjiku nasional ne’e mak sei kontinua, bainhira manan iha eleisaun antesipada ne’e,”informa Arão Noe.

Sorin seluk, reprezentante Partidu Demokrátiku (PD), Samuel Mendonça, rekoñese, PD mós rekomenda duni ajenda enseramentu kampaña iha Tasi-tolu, tanba soke malu ho partidu seluk, PD deside atu muda fali ajenda ba iha kampu futebol Dom-Bosco, Comoro.

Alende ne’e, tuir ajenda rekomendasaun ba CNE, PD sei hahú kampaña dahuluk iha rejiaun administrativu Oe-cusse, ho tipu kampaña aberta, partidu FRETILIN, sei hahú kampaña iha Manatuto ho komísiu aberta, PEP iha munisípiu Bobonaro, Partidu Repúblikanu (PR) rasik sei hahú iha sede nasionál Vila-Verde ho tipu konferensia imprensa, no Movimentu Sosial Demokrata (MSD) iha Likisa, inklui Forum Dezenvolvimentu Demokrátiku (FDD) iha Manufahi, maibe GMN seidauk konsege konfirma ajenda dahuluk ba bloku koligasaun Movimentu Dezevolvimentu Nasionál (MDN).Say


Banner

Foto

Notisia Ikus

CESLINK bele ona sai empreza telekomunikasaun iha TL

September 17, 2021
Ministériu Transporte Komunikasoins (MTK), Dire...

Governu sei hadia infraestrutura ne’ebé estragu husi DN

September 17, 2021
Primeiru Ministru (PM) Taur Matan Ruak hatete, G...

Fulan oin, ró Berlin-Ramelau to’o TL

September 17, 2021
Ministru Transporte no Komunikasaun (MTK) José ...

Posibilidade Díli implementa uluk new normal

September 17, 2021
Posibilidade Munisípiu Díli, Governu sei imple...

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...
1 2 3 640

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker