GMN TV Politika Eleisaun antesipada mosu, la´os sala AMP

Eleisaun antesipada mosu, la´os sala AMP

0 views

Portavoz Aliansa Mudansa ba Progresu (AMP), Taur Matan Ruak, hateten, eleisaun antesipada  ne´e mosu, la´os sala AMP nian, maibe sala  partidu FRETILIN nian.

``Atu  alerta  ba  ita boot sira katak,  eleisaun antesipada, sala  la´os AMP nian, maibe sala FRETILIN nian,``esplika  Taur Matan Ruak, Sesta (20/04/18), liu husi kampaña AMP nian, wainhira hala´o kampaña iha Munisípiu Liquiça.

Taur Matan Ruak hatutan, partidu FRETILIN la´os  agora mak  foin  sala, maibe sala bebeik tiha ona.

Nia hatutan, iha istoria  primeira vez  FRETILIN manan ho kadeira 55, iha tinan 2002, maibe saida mak akontese iha tinan lima nia laran harii Governu tolu, primeiru, segundu to’o terseiru Governu.

``Dotor Mari Alkatiri nia mandatu remata monu  iha dalan klaran, Timor  atu nakfera,``dehan Taur Matan Ruak.

“Nune´e  iha segundu Governu, FRETILIN hanesan mais  votadu hetan votu barak liu, iha momentu  ne´eba, José Ramos Horta mak  Prezidente Repúblika fó fulan ida FRETILIN buka apoiu la’o ba mai buka partidu seluk, maibe partidu sira halai ses hotu, laiha partidu ida mak hakarak servisu hamutuk ho sira, saida mak akontese  iha momentu ne´eba Prezidente Repúblika foti desizaun entrega ba CNRT,  ne´e sala ba dala rua,``dehan tan Taur Matan Ruak.

Alende ne´e  iha  tinan  2017,  FRETILIN mais   votadu, segundu votadu CNRT, terseiru mak PLP, kuartu mak PD no Kintu mak KHUNTO.   FRETILIN buka koalia  ho partidu hotu inklui PLP.

``Ha´u ba hasoru Señor Mari ha´u dehan, señor Mari  ha´u mai ajuda lori PLP hakarak ajuda ita boot  para ukun primeiru, depois segundu atu AMP ne´e labele  mosu, nia (Mari) soe  tiha  ha´u  iha dalan klaran, nia halai ba PD ho KHUNTO, maibe KHUNTO, soe tan  nia, gagal ba ketiga. Nusa mak fó sala fali ba AMP, kuandu nia de´it labele ukun,``dehan Taur Matan Ruak, hodi konta lalaok negosiasaun lideransa FRETILIN nian iha momentu ne’eba oinsa atu forma VII Governu.avi


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker