GMN TV Politika FDD sei fo subsidiu ba agrikultor

FDD sei fo subsidiu ba agrikultor

0 views

Frente Dezenvolvimentu Democratiku (FDD) sei fo subsidiu ba agrikultor sira wainhira povu fo fiar ba FDD hodi manan iha eleisaun antesipada 12 Maiu 2018.

Prezidente Comisario Politika Nasional (CPN)-FDD, Agustinho Gomes hatete sira nia politika ka programa atu hadia povu nia moris liu liu povu sira iha area rural ne’e mak fo folin ba povu nia hare laos fahe traktor, tuir Agustinho kuandu fahe tiha traktor mak sira nia hare la folin saugate deit.

“Ita mos komprometa sei hahu dezenvolvimentu ekonomia husi baze mak ba leten liu liu ekonomia agrikultura, nune’e programa ne’ebe atu implementa lao tuir povu nia hakarak, laos povu mak tuir programa nia hakarak,’’ dehan Agustinho iha nia diskursu kampanha eleitoral FDD iha suku Leolima Postu Administrativu Hatu-udu Municipiu Ainaro.

Agustinho mos esklarese FDD mosu atu halibur joven jerasaun foun sira hodi hamutuk dezenvolve nasaun Timor Leste, tanba nasaun Timor Leste presija joven foin sae sira dezenvolve rai doben Timor Leste.

Iha fatin hanesan prezidente konselhu prezidensial FDD, Antonio de Sá Benevides afirma, FDD laos partidu ne’ebe gosta hatun malu no koalia at ema seluk, maibe FDD koligasaun ne’ebe respeitu malu, tane malu no halibur ema hotu ne’ebe hakarak hadia rai Timor.

“FDD mos iha nia programa barak tebes atu hadia povu nia moris, tan Hatu-Udu oan sira hau garante FDD sei manan iha Hatu-Udu, tanba FDD ho nia simblu uma lisan hanesan Timor oan sira nia hun no sinblu uma lisan FDD nian ne’e mos mai husi ideia Hatu-udu oan sira, ne’ebe hau garante sei manan iha Hatu-udu,’’ koalia Antonio ho lian maka’as.

FDD mosu iha loron 11 fulan Dezembru tinan 2017 husi partidu hat mak hanesan PUDD, PDN,  FRETNTE MUDANSA ho UDT ho objetivu sai forsa politika ida hodi fo solusaun no sei la sai kauzador ba instabilidade politika nasional.

Partisipa iha kampanha FDD iha Hatu-udu ne’e, Prezidente konselhu prezidensial FDD, Antonio de Sá  Benevides, Fernandu Gusmão ho Gilma Exposto do Santos., Prezidente CPN Agustinho Gomes, konselheiro FDD, Leandro Isac no estrutura FDD municipiu Ainaro

Kampanha FDD observa husi CNE ho hetan seguransa husi Polisia Nasional Timor Leste (PNTL).nia


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker