GMN TV Politika G7+ kontribui desizaun ONU nian ba harii paz

G7+ kontribui desizaun ONU nian ba harii paz

0 views

Pesoa eminente g7+, Kay Rala Xanana Gusmão, apela ba nasaun sira ne’ebe partisipa iha asembleia jeral organização nações unidas (ONU) atu harii paz iha mundu.

Enkontru altu nivel konaba paz no sustentabilidade ne’ebe halao iha quartel general ONU, Nova Yorke, partisipa husi nasaun atus ida resin.

Iha diskusaun nia laran, nasaun ida-idak hato’o sira nia intervensaun konaba prevensaun konflitu iha nasaun sira iha mundu, oinsa reforsa fortalesimentu lideransa no reforma forsa manutensaun paz iha mundu.

Enkontru altu nivel ba loron rua ne’e loke husi prezidenti asembleia jeral ONU, Miroslav Lajcak ne’ebe koalia konaba oinsa nasaun sira iha mundu bele kontribui hodi halo prevensaun ba konflitu ne’ebe mosu iha nasaun sira.

Hafoin ne’e kontinua kedas ho diskursu husi Sekretariu Jeral ONU, António Guterres ne’ebe husu nasaun hotu atu harii paz iha mundu.

Nune’e mos xefi responsavel ba programa ONU halo mos intervensaun hodi koalia konaba apoiu ONU nian ba nasaun pos konflitu sira.

Pesoa eminente g7+, Kay Rala Xanana Gusmão ne’ebe partisipa iha asembleia jeral ne’e hateten, asembleia jeral ne’e importante atu ema hotu halo apelu, oinsa mak servisu hamutuk ho sosiedade civil, setor privadu no entidades hotu hodi harii paz iha nasaun ida-idak.

“Iha ne’e hotu-hotu halo apelu, hodi hatudu sira nia esperiensia rasik oinsa mak bele mobiliza no servisu hamutuk  ho sosiedade sivil, joven feto ho mane, no halo rekonsiliasaun iha komunidade hot-hotu ba harii paz.

Hotu-hotu preokupa situasaun iha fatin-fatin iha nasaun sira iha mundu, entaun apelu ne’e husu oinsa mak bele kontinua esforsu hodi mobiliza nasaun hot-hotu atu hare ba paz iha mundu,” hatete terseiru Prezidente Republika Timor-Leste, Kay Rala Xanana Gusmão hafoin partisipa reuniaun asembleia jeral kona ba reforsa setor seguransa iha quartel jeneral ONU, Nova Yorke, Tersa (24/4/18).

Kay rala Xanana Gusmão mos rekomenda ba ONU atu ba oin buat  ruma ne’ebe lao iha ONU hodi harii paz mak sala, tenki fo hanoin ba malu atu hadia.

Tanba ONU nian servisu iha parte peace keeping force dala barak halo manutensaun paz iha nasaun balun to’o tinan 20, maibe nasaun ida ne’ebe halo manutensaun paz husi ONU kontinua laiha paz, tanba ne’e presiza hare buat hirak ne’e hotu atu hadia.

Tuir lider karismatiku ne’e, harii paz ne’e nudar programa ida ne’ebe mak ONU komesa hahu, tanba ne’e ONU komesa simu opinaun husi parte hotu.

”Hau nian diskursu nebee halo iha ONU ne’e laos ordem, maibe aprezentasaun no esperiensia ida, ikus mak ONU bele ajunta opinaun hamutuk hodi haree ba nasaun sira ne’ebe iha poskonlitu nian laran,” dehan eis primeiru ministru TL ne’e.

Iha parte seluk, sekretariu jeral g7+, Helder da Costa dehan aprezentasaun ne’ebe halo husi pessoa  eminente g7+, Kay Rala Xanana Gusmão iha asembleia jeral ne’e, nasaun 193 apresia tebes, tanba nia rezolve duni problema sira iha nasaun poskonflitu hodi harii paz.

“Ho maun boot Xanana ninia prezensa ne’e fo duni impaktu ba ONU  no ONU apresia knar no papel g7+ nian nudar nasaun fundador,” deklara Helder.

Topiku ne’ebe pessoa  eminente g7+, Xanana Gusmão koalia ne’e foka liu oinsa hasai povu sira husi poskonflitu no dialogu ne’ebe halo foka liu konaba dialogu atu nasaun sira ne’ebe iha konflitu laran bele buka malu hodi kria paz.

“Hafoin maun boot Xanana Gusmão halo aprezentasau, hetan kedas rekuñesementu husi sekretariu jeral ONU, prezidenti asembleia jeral ONU no membru ONU ne’ebe apresia ho papel g7+ nian”, dehan Helder.

Prezensa Kay Rala Xanana Gusmão iha Nova Yorke reprezenta organizasaun g7+ ne’ebe nia membru hamutuk nasaun 20 kompostu husi Afganistan, Burundi, Repúblika Áfrika Central Chad, Union of the Comoros, Cote Dlvoire, Repúblika Democrátika Kongo, Guinea, Guinea-Bissau, Haiti, Liberia, Papua Nova Guine, São Tome Prinsipe, Sierra Leone, Illa Salomão, Somalia, Sudaun do Sul, Timor-Leste, Togo no Yemen.

Eis Primeiru ministru Timor-Leste, Xanana Gusmão ne’e ba reprezenta organizasaun g7+ iha asembleia jeral ONU, tanba Timor-Leste mak pioneiru ba organizasaun refere.Reportagem Anito Soares husi Estados Unidos da Ámerica.


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker