GMN TV Politika Juventude ParPol asina kompromisu paz ho CNJTL

Juventude ParPol asina kompromisu paz ho CNJTL

0 views

Reprezentante Juventude husi Partidu Polítiku (ParPol) 8 inklui koligasaun partidária ne’ebé sei kompete iha Eleisaun Antesipada asina paktu unidade nasionál ho Konsellu Nasionál Juventude Timor-Leste (CNJTL), nu’udar kompromisu hodi garante paz no estabilidade durante no depois eleisaun.

 Portavoz Fromencio de Araújo, ne’ebé nu’udar mós reprezentante bloku koligasaun Forum Dezenvolvimentu Demokrátiku (FDD), liu hosi konferensia imprensa iha salaun CNJTL Farol Tersa(10/04/2018) kompromete, organizasaun juventude PARPOL hotu sei tane as interesse nasionál hodi garante estabilidade durante kampaña kontinua to’o rezultadu eleisaun.

“Ami oragnizasaun juventude PARPOL sira ne’ebé subkreve paktu ida ne’e kompromete, sei kaer metin prinsipiu no valores unidade nasionál hodi tane as interese nasionál ba hametin seguransa no estabilidade iha território Timor laran tomak, iha prosesu antes, durante no depois de eleisaun,”kompormete Fromencio Araujo.

Reprezentante juventude parpol ne’e mós garante, eleisaun antecipada sei la’o ho justu, imparsial, transparante no demokrátiku.

“Sei koopera ho autoridade seguransa ba aktu violentus ne’ebé mak komete husi apoiantes no simpatizantes husi membrus juventude partidus polítikus sira durante prosesu kampaña to’o prosesu eleisaun parlamentar ne’e remata, no sei simu inkondionalmente rezultadu eleisaun parlamentar nian  ne’ebé sei fo sai husi orgaun CNE ba eleisaun parlamentar 2018- 2013,”katak Fromencio.

Juventude partidu sira mós liuhosi porta-voz kompromete, atu buka maneiras hotu hodi hametin paz no estabilidade iha prosesu kampaña, eleisaun, tempu kontajen to’o tempu publikasasaun rezultadu.

Alende ne’e, repzrezentante juventude parpol ne’e mós promete, atu labele uza osan ka money politic hodi sosa votus, propaganda falsu no uza meius Estadu nian iha tempu kampaña eleitoral.

Iha biban hanesan, prezidente CNJTL, Maria Dadi Magno, haktuir, asina paktu unidade ba juventude ne’e, nu’udar re-afirmasaun ba prosesu eleisaun parlamentar tinan 2017 nian.

“Komitmentu ne’ebé mak iha líder juventude sira atu re-afirma fila-fali de’it katak líder juventude partidu sira sei nafatin hamutuk no iha responsabilidade bo’ot atu konsolida unidade nasionál,”dehan Dadi.

Maria Dadi mós apela ba juventude partidu polítiku hotu, iha Timor laran, atu garante paz no estabilidade nasionál nu’udar jerasaun kontinuador ba futuru Timor nian.

Iha serimonia asina paktu unidade entre reprezentante juventude partidu polítiku no sasin husi CNJTL ne’e, partisipa husi reprezentante Partidu Esperansa da Patria (PEP), Partidu Demokrátiku (PD), Frente Revolusionariu Timor-Leste Independensia (FRETILIN), no koligasaun Movimentu sosila demokrata (MSD), Forum Dezenvolvimentu Demokrátiku (FDD) no Aliansa Mudansa ba Progresu (AMP).

Maibe lahetan prezensa husi reprezentante juventude Partidu Repúblikanu (PR) no Movimentu Dezenvovlimentu Nasionál (MDN).Say


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker