GMN TV Politika Mari Alkatiri: Kualidade edukasaun mak hasai povu husi nakukun no Kiak

Mari Alkatiri: Kualidade edukasaun mak hasai povu husi nakukun no Kiak

0 views

Sekretariu Jeral Partidu FRETILIN hatete, Fretilin mai ho programa barak, programa ida mak, atu hasai povu sira husi kiak no husi nakukun laran, tanba ne’e tenki investe iha área edukasaun atu bele sai kualidade.

“Konstituisaun rasik hatete ba ita eskola estadu nian gratuita, mas gratis la signifika la iha kualidade. Ema sira iha osan otiuan ba eskola iha eskola privada, maibé povu nian oan labele sai di’ak, tamba eskola iha eskola ne’ebé la iha kualidade,” dehan Mari Alkatiri iha Komísiu Polítiku Kampaña Eleitorál dahitu ba  militante no simpatizante sira iha Munísipiu Viqueque, Tersa (17/04/2018).

Lider másimu partidu ho númeru sorteiu hat (4) ne’e akresenta, tamba ne’e estadu tenki investe atu eskola bele iha kualidade, tamba ne’e eskola atu iha kualidade primeiru tenki hadia kondisoens eskola nian, liu liu mestri sira mos tenki iha kualidade, tamba ne’e mestri sira alén de hanorin, sira mós tenki aprende nafatin.

“Atu mestre sira hanorin ho di’ak, tenki mós iha kondisoens, ita haruka profisionais sira ba foho, uma para sira atu hela mós la iha, maibé  eskola atu iha kualidade tenki iha mós beemos iha eskola laran, tamba ita fó merenda eskolar ba alunu sira, tenki iha eskola tenki iha kondisoens ne’ebé di’ak,” Marí Alkatiri fundamenta.

Aktual Primeiru Ministru ne’e hatutan, tamba estudante sira atu han iha eskola tenki refitóriu ida ne’ebé iha kondisoens ne’ebé mós, husi ne’e mak bele haree eskola ne’e iha kualidade.

“Tenki iha buat sira ne’e hotu, para iha eskola ida ne’ebé iha kualidade, ita nia sistema edukasaun muda ba bebeik, maibé ita nia konstituisaun dehan klaru alén de eskola gratuita, no iha mós língua ofisial rua. Portugués ho Tetum, maibé ita koko ba koko mai, tamba ne’e labele muda ba muda mai, liu-liu ba língua tenki mantein ho língua rua ne’e” dehan Alkatiri.oly


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker