GMN TV Politika Mosu iregularidade barak, AMP sei tau matan maka’as ba servisu STAE

Mosu iregularidade barak, AMP sei tau matan maka’as ba servisu STAE

0 views

Prezidenti Aliansa Mudansa ba Progresu (AMP), Kay Rala Xanana Gusmão informa, komisaun jurídika AMP nian hato’o ona informasaun ba lideransa AMP sira kona ba rezultadu eleisaun Parlamentar tinan 2017 katak, iha iregularidades barak ne’ebé mosu iha STAE.

 “Sira fó hatene mai katak, detekta iregularidades iha eleisaun kotuk ba. Ida ne’e mak ami sei bolu atensaun ba povu, no ami sei bolu atensaun ba ami nia fiskais rasik, no observador internasional sira mós ami sei fó hatene, tanba problema 11.000 votus nulu ne’e, demais ona,” katak Xanana Gusmão ba jornalista sira liu husi konferensia ba imprensa iha sede nasional CNRT Dili, Domingu (08/04).

Nia afirma, iha tiha ona votantes 170 mil mak la vota, no iha fali kontajen votus, iha tan 11. 000, tenki haree didiak ida ne’e.

 “Tau matan ba menina sira ne’ebé liman kukun naruk ne’e, sira kaer bulletin votus ne’e sengaja (finji) halo kuak tiha, depois dehan votu nulu. Depois sira tau buat ida pregu ki’ik oan iha meja leten bar-barak, hodi bulletin votus ne’e hanehan bosok ba kuak ona, entaun nulus ne’e barak los, ida ne’e ami sei tau matan maka’as,”  katak Xanana.

Xanana dehan, votus nulu ne’e, tanba iha kuak oan barak los, iha bulletin votus ida. Tanba ne’e, AMP sei orienta nia fiskais sira atu tau matan ba staf STAE hodi hala’o servisu ho lolos.

“Agora iha buat ida ne’ebé ami mós tauk uit oan, tanba agora ema dehan mosu ona buat ida iha ita nia rai ne’e, bainhira ita konta bulletin votus ne’e, sira halo ita bilan tiha, entaun ema konta ne’e ko’alia dehan 2, ema ida hakerek ne’e, hakerek 20 mós, ita lahatene. Ne’ebé ami na’in rua ha’u nia alin Taur ko’alia ba malu, ha’u dehan nune’e, hei Ruak, ita sorti iha funu laran ne’e, Kiai la tama, la’e ita mate hotu, ita sorti tebes, Kiai mak tama, ita ema kaer moris de’it iha ailaran,” katak Xanana.

Nia hatutan, lideransa balun husi AMP halo ona investigasaun ba ida ne’e,  maibé hein nia rezultadu los ka la’e.

“Balun mai hato’o informasaun dehan hanesan ne’e, Eis Ministru ida iha nia uma ne’eba ne’e, sira lori ema mai ho aviaun, ha’u dehan, waooo. Maibé buat ne’e hanesan ita bolu atensaun ba malu de’it,” katak Xanana.

Lider máximu AMP ne’e mós bolu atensaun ba povu, li-liu inan aman sira iha Timor Leste atu kuidadu ho money polítika ne’ebé la’o dadaun ona.

“Ha’u agora ne’e hakarak atu sai fali Xefi Suku, tanba antes atu ba eleisaun ne’e, simu uluk osan no motor. Ne’ebé ha’u husu ba Xefi Suku sira atu kuidadu, la’os antes atu tama ba eleisaun, ita simu tiha osan no motor, ida ne’e sala, tanba kuandu povu mak hatene ida ne’e, eleisaun Suku mai, povu la hili tan ita ona,” katak Xanana.

Nia haktuir, dadaun ne’e iha ona ekipa ida husi partidu seluk la’o tama sai uma  hodi haruka povu vota ba sira nia partidu atu fó osan.

“sira dehan, simu uluk lai osan US$ 20 ne’e, karik ita manan mak fó tan, no balun ba sukat dadauk ona povu nia uma atu halo ho medida 10 x 12,” lamenta Xanana.cos


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker