GMN TV Politika ONU rekoñese kapasidade Xanana Gusmão rezolve pos-konflitu

ONU rekoñese kapasidade Xanana Gusmão rezolve pos-konflitu

1 views

Organização nações unidas (ONU) rekoñese figura Kay Rala Xanana Gusmão iha mundu ba esforsu no esperiensia ne’ebe Xanana hatudu liu husi rezolve problema pos konflitu Guinea Bissau, Áfrika Central no Afganistaun.

Deklarasaun ne’e hato’o husi Sekretariu Jeral g7+, Helder da Costa hafoin remata enkontru ONU kona ba reforma setor seguransa iha quartel general ONU, Nova Iorque, iha Segunda (23/4/18).

“ONU rekoñese Xanana nudar figura mundial ne’ebe halo ona paz ba rai ne’ebe hetan konflitu, tanba agora ne’e iha mundu ema ne’ebe hola parte hodi kontribui ba paz ne’e ema oituan. ONU rekoñese Xanana halo paz iha Repúblika Central Áfrikana, Guinea Bissau no Afganistaun tanba ne’e mak pessoa eminenti ne’e hetan konvite husi ONU hodi fahe ninia esperiesia, “ deklara Helder.

Nudar Timor oan, Helder orgullu, tanba iha timor oan ida mak mundu rekoñese hodi hamorin naran Timor iha mundu internasional.

Terseiru Prezidenti Republika, Kay Rala Xanana Gusmão marka prezennsa iha ONU hetan konvite husi Asembleia Jeral ONU liu husi  nasaun  Repúblika Áfrika do Sul no Slovakia ne’ebe  konvida nudar pessoa eminante no nudar mos eis Prezidente Repúblika Timor-Leste hodi fahe esperiensia kona ba reforma setor siguransa Timor nian ba rai seluk ne’ebe mak g7+ involve hanesan Afganistaun, Republika Afrika Central, Guinea Bissau, inkluindu rai pos konflitu sira seluk.

 “Hau sira konvida mai iha ne’e atu fo hanoin balu kona ba reforma setor seguransa ONU nian nu`udar pesoa eminente organizasaun g7+, hau lori esperiensia oi-oin husi Timor-Leste ninian ho mos esperiensia husi rai g7+ nian iha Áfrika hodi dehan katak  to’o agora ita la nega partisipasaun husi peace keeping force ka forsa manutensaun paz ONU nian no  misaun ONU, maibe se ONU hakarak hetan rezultadu ne’ebe diak duni tuir sekretariu jeral dehan misaun UN ninian tenke foka  ba benefisiu ne’ebe populasaun simu, laos foka ba relatoriu mak bobot”, dehan lider karismatiku Kay Rala Xanana Gusmão.

Eis Primeiru Ministru Timor-Leste ne’e mos argumenta katak, setor seguransa, presiza ONU halo reforma, atu bele iha paz iha mundu.

“Nasaun hotu tenki tau matan ba sistema ne’ebe funsiona iha ONU no ONU tenki presta atensaun ba hanoin ida ne’ebe ita nota hela,”dehan Xanana.

Iha enkontru alto nivel iha Asemblei Jeral ONU, Prezidente Jeneral Asembleia, Miroslav Lajcak  husu ba forsa polisia no militaer sira iha mundu, atu kontinua mantein siguransa iha rai laran.

Tanba agora dadaun ne’e, ema balun komesa aproveita ho seguransa ba sira ida-idak ninia intrese, tanba ne’e ema hotu tenke iha konsiensia hodi sai husi konflitu no fo siguransa ne’ebe diak ba povu sira.

Deputy Sekretariu Jeral ONU, Aminah Muhamad  iha inkontru altu nivel ne’e mos dehan, koalia konaba siguransa maka tenki ba ema hotu no la haree ba ema ida, maske nia ferik ka katuas ou labarik presija mos siguransa ba sira atu lao no halimar ho livre.

“Tanba ne’e haree ba inkontru ne’e importante tebes tanba siguransa ne’e parte ida husi nasaun ne’ebe hakarak duni paz iha ninia povu ninia leet,” dehan nia.

Aminah Muhamad hatutan konflitu ne’ebe ohin loron sei akontese ne’e povu mak sai vitima, maibe Konsellu Seguransa ONU liu husi forsa ne’ebe iha sei kontinua tau ninia membru sira iha nasaun ne’ebe konflitu hodi bele kria fali paz.

Tanba komitmentu ida husi ONU mak tenki kria duni paz no estabilidade hodi fo siguransa ba povu.

Pessoa importante ONU nian ne’e koalia katak atu hasai povu ne’ebee involve iha konflitu laran, ONU iha ona ninia organizasuan sira ne’ebe mak tau matan ba parte sira ne’e hotu.

Pessoa eminente g7+, Kay Rala Xanana Gusmão to’o iha aeroportu Nova Iorque, simu husi embaixadora Timor-Leste iha Nova Iorque, Milena Pires ho Sekretariu Jeral g7+, Helder da Costa.

Delegasaun Timor-Leste ne’ebe hola parte iha enkontru Alto Nivel g7+ iha Nova Iorque, lidera husi Pessoa Eminente g7+, Kay Rala Xanana Gusmão inklui lider sira seluk g7+ nian.

Pessoa Eminente, Kay Rala Xanana Gusmão sei koalia iha loron 24 to’o 25 Abril 2018,  iha enkontru alto nivel  iha Asembleia Jeral ONU ho topiku Peace Building and Sustaining Peace.Reportagem Anito Soares husi Estadus Unidus da Ámerika.

 


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker