GMN TV Politika PEP sei hadía kualidade edukasaun no saúde iha tinan 5

PEP sei hadía kualidade edukasaun no saúde iha tinan 5

0 views

Partido Esperança da Pátria (PEP) ne’ebé ho númeru sorteiu 1, promete, sei koordena ho VIII Governu, hodi hadía kualidade edukasaun, saúde, ekonómia no turizmu iha Timor-Leste, bainhira hetan asentu iha Parlamentu Nasionál ba períodu 2018-2023.

Tuir ajenda ne’ebé aprova husi Komisaun Nasionál ba Eleisaun (CNE_sigla iha lian Português), Kuarta (18/04) ne’e. PEP rasik atu halo kampaña iha munisipiu Manufahi, maibe lakonsege tanba asuntu balun ne’ebé estrutura nasionál sei hala’o.

“Ohin tuir loos ita halo kampaña aberta iha Manufahi, maibe tanba kondisaun balun, ami hato’o de’it ami nia programa liuhosi konferensia imprensa ba militantes sira, maibe ami nia estrutura munisípiu kontinua halo servisu dor to dor,”Prezidente Klibur Profisional PEP, Sancho da Costa, iha kampaña ho tipu konferensia imprensa iha sede Nasionál, Fatuhada, Kuarta (18/04/2018).

Líder profisionál PEP ne’e apela ba militante sira iha munisípiu Manufahi, inklui munisípiu seluk iha Timor-Leste, atu simu ho di’ak, ekipa ka estrutura PEP nian ne’ebé, halo kampaña door to door, tanba PEP mós iha programa ne’ebé atu hadía povu nia moris no tanba demokrasia.

“Ba munisípiu Manufahi, ami mós iha programa espesífiku, hanesan atu hadía Sistema agrikultura, tanba iha ne’eba potensia ba natar, kafé no modo, inklui turizmu, tanba Manufahi mós iha pontensial ba Turizmu, hanesan mota, foho, no bee matan ne’ebé di’ak, hodi atrai ema estranjeiru mai vizita ita nia rain, hodi ajuda komunidade nia ekonómia, sei haré mós komersiante sira iha merkadu lokal, tanba xineza sira faan kios ki’ik mós iha, tanba faan sasaan simples sira ne’e ita nia ema Timor ona mós bele,”haktuir Sancho.

Polítiku ne’e afirma tan, PEP mós iha programa prioridade ba atu hadía sistema atendementu ba Veteranus, hodi dignifika veteranus 1a7, 1a3, no 4a7,  hanesan ho veteranus sira seluk.

“Ita mesak luta nain hotu, maibe sira lahetan benefisiu ida hosi luta ida ne’e, sekarik PEP passa bareira, PEP nia dever mós atu ko’alia konaba lei veteranus nian, ne’ebé mak sei fo valor liutan ba veteranus sira, 1a7, tanba ita seidauk iha tratamentu di’ak ida ba sira, no fo respeitu ba sira nia luta, maske sira nia luta ne’e badak, maibe sira nia moris ne’e hahu husi 1975 mai, signifika sira mós hahu luta husi ne’eba,”dehan Sancho da Costa.

Tuir kalendariu CNE nian, partidu ho númeru sorteiu 1 ne’e, sei hala’o fali kampaña ho tipu aberta ka dor to dor iha munisipiu Aileu, iha loron 20 fulan Abril ne’e.

Tuir observasaun GMN, kampaña PEP nian ba dala 4 ne’ebé ho tipu konferesnia imprensa ne’e, lahetan observasaun husi CNE, observador nasionál no internasionál, inklui la hetan seguransa ruma husi Polísia Nasionál Timor-Leste (PNTL).Say


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker