GMN TV Politika PR Lú Olo apela ba populasaun Ponta Leste mantein maturidade polítika

PR Lú Olo apela ba populasaun Ponta Leste mantein maturidade polítika

0 views

Prezidenti Repúblika (PR), Francisco Guterres Lú-Olo, apela ba populasaun ponta leste atu kontinua mantein maturidade polítika ne’ebé aas, hodi garante paz no estabilidade durante kampaiña to’o eleisaun parlamentar antesipada, iha loron 12 fulan maiu tinan ne’e.

Prezidenti Repúblika, Francisco Guterres Lú-Olo hato’o apelu ne’e, liuhusi diálogu telekonferensia ho Prezidenti Autoridade Munisípiu haat, hanesan, Baucau, Lopalos, Viqueque no Manatuto, reprezentante veteranu no partidu polítiku sira, ne’ebé transmite iha Palásiu Prezidénsial Nicolau Lobato Bairo Pite Díli, Kuarta (4/4) ne’e.

Xefi Estadu hateten, tenki hatudu nafatin maturidade polítika ba mundu internasionál, ambiente demokrasia ne’ebé la’o iha paz no dame iha Timor Leste durante ne’e.

“Agora ita hakat fali ba kampaiña no eleiaun antesipda, ha’u só husu de’it mak maturidade polítiku ida ne’e tenki asegura nafatin, tenki boot ba nafain no di’ak ba nafatin para atu nune’e mundu internasionál i ao mesmo tempu ita hanesan sidadaun Timor ne’e ita bele lori ita nia prosesu ida ne’e ho rezultadu ida di’ak, transparante, kredível ida ne’e mak Prezidenti hakarak,” tenik Lú Olo.

Xefi Estadu ne’e hateten tan, paz no estabilidade ne’e la presiza F-FDTL no PNTL de’it mak asegura, maibé povu tomak mós tenki kontribui ba paz no estabilidade liuhusi hahalok no liafuan.

Além de ne’e, Xefi Estadu mós kontinua husu liu-liu ba, partidu polítiku sira atu labele hatun malu no insultu malu, maibé tenki buka hato’o de’it mak programa polítiku iha kampaiña atu ba eleisaun antesipada, tanba povu presiza mak programa ne’ebé di’ak atu dezenvolve sira nia moris.

“Ha’u dehan ona bainhira ba kampaiña ba koalia mak programa polítiku, la ba koalia ema ida, programa polítiku ne’e importante atu povu hili hodi hadia povu nia moris,” Lú Olo esklarese.

Hatan ba apelu husi Prezidenti Repúblika ne’e, Prezidenti Autoridade Munisípiu 4 hanesan, Prezidenti Autoridade Munisípiu Baucau, António Guterres, Prezidenti Autoridade Munisípiu Lautem, Oscar Dias Quintas, Prezidenti Autoridade Munisípiu Manatuto, Fernando Sousa, Reprezentante Prezidenti Autoridade Munisípiu Viqueque, José Amaral dos Santos, Reprezentatante Veteranus Munisípiu Baucau, Marito Reis, Reprezentante Veteranu no partidu polítiku sira promete, prontu mobiliza populasaun atu partisipa iha eleisaun antesipada no sei asegura kampaiña la’o ho ambiente paz no hakmatek.

Akompaiña Prezidenti Repúblika iha transmisaun direta video telekonferénsia ne’ebé realiza iha Palásiu Prezidensial Nicolau Lobato ne’e, Prezidenti CNE Alcino Barrís, Diretor Jeral STAE, Acilino Manuel Branco, Ministru Defeza no Seguransa, José Agostinho Sequeira Somotxo, Vise Ministru Óbras Públika no kaza sivíl PR.

Tuir kalendáriu kampaiña eleitorál sei hahú iha loron 10 fulan Abril no  eleisaun antesipada sei hala’o iha loron 12 fulan maiu.ías


Banner

Foto

Notisia Ikus

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker