GMN TV Politika Prizioneiru atu tuir EA, STAE seidauk hetan relatoriu

Prizioneiru atu tuir EA, STAE seidauk hetan relatoriu

2 views

Sekretariadu Tékniku Administrasaun Eleitoral (STAE) to’o agora seidauk hetan relatóriu total prizoneirus ho pasiente ne’ebé atu tuir  vota iha Eleisaun Antesipada (EA), loron 12 fulan Maiu tinan ne’e, relata diretor jeral STAE, Acilino Manuel Branco ba GMN iha nia knár fatin, Kinta (19/04/2018).

Diretor STAE ne’e informa, nia parte hatún ona orientasaun ba diretor STAE munisipiu sira, hodi koordena ho diretor hospítal sira iha munisípiu, atu bele entrega relatóriu pasiente, médiku no família pasiente nian.

“Fulan kotuk ami halo ona kontaktu, liu husi Ministério Administrasaun ESTATAL, liu husi Ministériu Justisa ho Ministériu Saúde, para atu bele identifika no mós informa ba STAE,  ba Ministériu Saúde iha hela faze koordenasaun, atu bele aprezenta lista pasiente internadus, ho médikus ka douteres ne’ebé presta hela servisu iha ámbitu eleisaun, inklui família pasiente sira ne’ebé mak halo akompañamentu ba iha pasiente refere, tuir lei, dadus sira ne’e hotu tenke entrega ba STAE loron 10 antes eleisaun,”esplika Acilino.

 Acilino informa tan, STAE mós tenta konfirma ona ho parte prizaun Becora, Suai no Gleno, atu rekolla dadus prizioneiru Timor ona ne’ebé atu ezerse nia direitu demokrasia iha loron votasaun.

“Naran husi prizioneiru sira ne’ebé detein hela iha sela sira ne’ebé existe iha ita nia rain,  hetan ona resposta husi diretor prizaun Bekora konaba númeru prizioneiru inklui guarda prizional sira, tanba tuir lei sira mós iha direitu atu ezerse sira-nia direitu, maibe ba prizaun Gleno ho Covalima, ami orienta ona ba ami-nia diretor munisípiu rua nian, atu bele koordena ho diretor prizaun sira, para iha tempu badak bele aprezenta mós lista ba STAE,” relata Acilino.

Diretor STAE, Acilino Manuel Branco, sujere ba diretor sira prizaun no hospital sira atu bele entrega lalais relatóriu sira ne’e iha tempu badak, hodi nune’e STAE koloka ona sentru votasaun ho tékniku, inklui fiskais husi partidu no seguransa sira hodi asegura prosesu eleisaun.

Acilino informa, STAE mós konfirma ona ho parte Defeza no Seguransa atu bele entrega ona relatóriu kona-ba membru Defeza ho Seguransa ne’ebé atu fo  seguransa durante eleisaun.Say


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker