GMN TV Politika STAE presiza kareta 360 transporta material ba Sentru votasaun

STAE presiza kareta 360 transporta material ba Sentru votasaun

Sekretariadu Tékniku Administrasaun Eleitoral (STAE), presiza kareta 360 ital hodi apoia transporta material sensitivu no non-sensitivu ba Sentru Votasaun (SV) 876 no estasaun votu 1158, informa Diretor Jeral STAE, Acilino Manuel Branco ba jornalista iha nia knár fatin Vera-Cruz, Segunda (23/04/2018).   

Acilino relata, husi tarjetu viaturas ne’ebé STAE presiza, iha ona viaturas kuaze 200, inklui viaturas balun ne’ebé STAE halo kontratu ho na’in ba viaturas privadu sira iha kada munisípiu, hodi apoia transporta material ba postu administratviu sira tuir prosedimentu ne’ebé iha.

“Ita halo transportasaun material non-sensitivu sira balun ba munisípiu desde semana kotuk, tuir planu transporta ikus iha loron 04 fulan Maiu, ita mós halo hela koordenasaun ho ministerium relevantes hodi bele apoia, to’o iha munisipiu mak ita presiza númeru viaturas ho kuantidade bo’ot, tanba tenke transporta fali ba sentru votasaun no estasaun votasaun iha postu administrativu sira,”haktuir Acilino.

Acilino relata tan, STAE liu hosi Ministeriu Administrasaun ESTATAL halo mós koordenasaun ho liña ministeriu iha sentral, liu-liu ministeriu finansa liu hosi patrimoniu Estadu, hodi identifika viaturas Estadu ne’ebé sei iha kondisaun diak atu suporta STAE.

“Ita mós koordena ona ho liña sektorais ne’ebé eziste iha munisípiu, atu identifika viaturas Estadu nian sira iha munisipiu, inklui ita mós tau osan balun hodi aluga viaturas 10 kada munisipiu, maibe ho númeru sentru votasaun ne’ebé aumenta, halo númeru viaturas hirak ne’e seidauk sufisiente, tanba tuir lista presiza 360 e tal viaturas, maibe husi númeru viatura ne’ebé presiza, iha ona viatura 200 e tal, sei falta tan 90 e tal viaturas,”tuir Acilino.

Acilino Manuel Branco informa tan, viaturas sira ne’ebé presiza, tarde liu atu dezloka mak loron 9 fulan Maiu, tanba loron ikus atu transporta material ba postu mak loron 11 fulan Maiu, hafoin aprezenta ba STAE munisipiu sira iha loron 10 fulaN Maiu.

Tanba ne’e, diretor STAE ne’e sujere ba ministeriu relevante tenke aprezenta rezultadu viaturas iha tempu badak ba STAE, hodi nune’e bele koloka ona ba sentru votasaun hotu, no hafoin remata votasaun, transporte hirak ne’e sei entrega hikas bai da-idak nia ministeriu.

Enkuantu, eleisaun ne’e rasik, sei hahú iha loron 12 fulan Maiu, tinan ne’e.Say


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker