GMN TV Politika Xanana : Maromak no rai lulik maka la fo FRETILIN ukun

Xanana : Maromak no rai lulik maka la fo FRETILIN ukun

0 views

Prezidenti Aliansa Mudansa ba Progresu (AMP), Kay Rala Xanana Gusmão hatete Maromak, rai lulik  no uma lisan maka la fo FRETILIN atu ukun rai ida nee tambá ukun ladiak no laiha kapasidade ukun.

Lider maximu Koligasaun Aliansa Mundansa ba Progressu (AMP), Kay Rala Xanana Gusmão hato’o lia hirak nee iha kampaña eleitoral, Kuarta (18/04) iha Munisipiu Manufahi.

“Maromak boot iha leten as ba, rai lulik, fatuk lulik, Maromak ho ita nia lulik sira lakohi duni FRETILIN sira atu ukun hahu iha tinan 2007-2012, 2012-2017 no tinan 2017-2022, tanba ne’e hau husu ba Manufahi oan vota ba AMP,” dehan Xanana Gusmão.

Prezidente AMP nee mos koalia moto partidu FRETILIN nian, “Oras to’o ona, Tempu to’o ona, Lalika hein tan vota ba FRETILIN”, moto ne’e Xanana Gusmão dehan, “Oras to’o ona, Tempu to’o ona, Lalika hein tan” signifika oras to’o ona no tempu to’o ona labele vota ba FRETILIN.

Nune’e mos, Porta voz AMP, Taur Matan Ruak hateten, em kuantu sira nain rua Xanana Gusmão sei moris FRETILIN sei la ukun rai ida ne’e.

“Sekali hau ho maun Xanana sei moris, FRETILIN sei la ukun, tanba ne’e povu labele fo fiar ba sira, hau hatene iha Municipiu Manufahi barak maka dada bendeira FRETILIN iha uma oin, mais dada ba, favor ida vota ba AMP,” husu Taur Matan Ruak.

Biban ne’e, Taur Matan Ruak dehan, AMP iha ninia programa rasik, kada munisipiu iha ninia programa rasik.

“Balu dehan ami nia estrada ladiak, balu dehan ami nia oan oinsa atu hetan servisu, ahi, bee mos, no mos atu dignifika martires sira, so ema ida deit iha Timor maka fo ondra maka Xanana Gusmao, tanba ne’e hau husu ba imi atu vota ba AMP hodi nune’e nafatin tau matan ba imi,” dehan Porta voz AMP, Taur Matan Ruak.

Taur Matan Ruak hateten, PLP no KHUNTO nudar partidu foun, maibe CNRT moris kleur ona, no halo ona buat diak ba rai ida ne’e.

“Eskola, klinika, no bee mos presiza hadia, hau nia partidu foun, mas maun Xanana nia partidu halo ona buat barak, balu seidauk maibe ita la’os Maromak atu halo milagre, maske neneik mas sei bebeik, tanba ne;e fo fiar mai ami dala ida tan, ami sei la haluha imi, hanesan veteranus labele haluha ami, se imi haluha ami, maka ami nain rua sei haluha imi para sempre,” dehan Taur Matan Ruak.

Entretantu kampaña eleitoral AMP nian iha Munisipiu Manufahi maioria partisipa husi militantes no sipatizantes AMP nian husi Munisipiu Manufahi tomak. Durante oras tolu nia laran kampaña ne’e la’o iha situasaun kalma tanba hetan seguransa maximu husi PNTL, observa husi CNE, PDHJ, no observador internasional. mia


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker