GMN TV Politika Xanana promete hakotu problema veteranus

Xanana promete hakotu problema veteranus

0 views

Lider másimu Aliansa Mudansa ba Progresu (AMP), Kay Rala Xanana Gusmão promote, AMP manan iha Eleisaun Antesipada (EA), sei hakotu problema veteranus, tanba lideransa AMP mak hatene, saida mak veteranu sira hakarak.

Tuir Xanana Gusmão, partidu 3 ne’ebé hamahan aan iha AMP ne’e, senti orgullu tebes, tanba iha eleisaun antesipada mai ne’e, bele hamrik iha povu nia oin hodi hateten ba sira katak, kuandu fó fiar ba AMP, lideransa AMP sira sei reprezenta sira diak.

“Ami lori pasadu para ko’alia futuru. Naimori Klandestina, Ha’u ho ha’u nia alin Taur husi ailaran, ha’u  ba liu prizaun laran, ami kompriende liu ema balun, ami respeita veteranus no ema hotu husi fatin seluk, mas ami kompriende liu uit oan, tanba iha ami nia oin, ami hakat liu mate no ruin. Tanba ne’e ami sei esforsu iha tinan lima ne’e to’o 2023 ita tak problema veteranu nian, ida ne’e ami promete,” afirma Xanana Gusmão liu husi konferensia ba imprensa iha sede Nacional CNRT, Domingu (08/04).

Nia haktuir, ko’alia kona ba pasadu, Xanana, Taur no  Naimori la gaba’an, maibé sira sei lahaluha saida mak akontese iha pasadu.

“Tinan lima mai ne’e, kuandu povu fó fiar, ami sei rezolve problema veteranus, tanba ami kompriende sira nia hakarak ne’e saida. Ami husu ba povu tomak atu fiar ami nain tolu, tanba ami mak hatene imi nia kondisaun.  Ami hakarak dehan ba povu katak, ami sei implementa programa sira ne’e, fó resposta diak ba nesesidade dezenvolvimentu, hodi bele kontribui ba povu nia moris diak liu,” dehan Xanana.

Lider maximu AMP ne’e dehan, buat ne’ebé mak sira kaer hanesan fundamentu ida mak, sei fó atensaun bo’ot ba identidade povu Timor Leste nian. Tinan lima ne’e, ita sei halo buat hotu atu garante para povu hatene katak, nia hun no nia abut iha ne’ebé,” tenik Xanana.

Nia esplika, VIII Governu sei fó atensaun ba identidade povu Timor Leste nian ne’e, tanba ikus-ikus ne’e, foin sa’e sira moris tuir de’it modernizasaun.

Xanana esplika, AMP sei presta atensaun no asegura polítika inkluziva,  ne’ebé favorese integrasaun grupus fase etria.

“Amis sei halo buat hotu tuir ami nia kbi’it, atu loke dadauk ona dalan ba ema hotu katak, sira mós hola parte iha faze dezenvolvimentu,” katak Xanana.

Eis Xefi Governu ne’e dehan, dadauk ne’e, ema balun hateten katak, AMP laiha programa, tanba ko’alia de’it mak pasadu, tanba ne’e mak povu lakon konfiansa ba sira.cos


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker