GMN TV Politika CNRT sai vítima iha Governu, PLP-KHUNTO konsidera deklarasaun Xanana la fó impaktu ba AMP

CNRT sai vítima iha Governu, PLP-KHUNTO konsidera deklarasaun Xanana la fó impaktu ba AMP

0 views

Deputadu sira husi bankada PLP ho KHUNTO ne’ebé inklina-an iha koligasaun ho CNRT iha Aliansa Mundansa ba Progresu (AMP), konsidera deklarasaun prezidente partidu CNRT, Kay Rala Xanana Gusmão ne’ebé hateten CNRT sai vítima iha impasse polítiku liu-liu sakrifika an ba koligasaun AMP, sei la fó impaktu ba koligasaun, tanba desizaun hotu ne’ebé durante ne’e sai husi koligasaun, hetan konkordansia ba malu husi líder másimu sira.

Deputadu sira hato’o asuntu ne’e, relasiona ho deklarasaun Prezidente CNRT Kay Rala Xanana Gusmão ne’ebé sente sai vítima iha impase polítiku no koligasaun AMP.

“Povu tomak mak sai vítima la’os CNRT, tanba seidauk kompleta membro governu

Governu tenke kompleta lalais, tanba ne’e mak Prezidente Repúblika halo tomada de posse ona, nomeia lalais membro governu sira ne’e, depois kompleta estrutura governu nian, para bele ezekuta orsamentu ne’ebé aprova tiha ona ne’e,

Tanba orsamentu ne’e prevê tiha ona, ita presiza ema membro governu sira ne’e tenke kompleta hodi halo ezekusaun ba atendementu públiku, no atendementu ba ita nia sidadaun sira ne’e importante tebes,”hateten vise Xefi bankada PLP, deputadu Francisco de Vasconçelhos ba GMN iha PN, Segunda(29/04/2019) ne’e.

Deputadu PLP ne’e afirma tan, membru governu husi partidu ne’ebé de’it mak barak, seila fó impaktu ba koligansaun AMP,

Tanba desizaun hotu bazeia akordu entre líder másimu AMP Xanana Gusmão, Taur Matan Ruak no Naimori.

“Membru governu husi partidu ida ne’ebé mak barak liu ne’e hanoin la’os problema,

Tanba desizaun hotu-hotu maun boot Xanana, maun boot Taur no Naimori mak halo desizaun, ne’eduni ida ne’e la’os problema,

Problema ba ita mak oinsa atu garante funsionamentu mákina governu nia ne’e di’ak, no atendementu di’ak ba ita nia sidadaun sira, no rezolve problema bee moos, hadi’ak edukasaun no eskola sira ne’e, ida ne’e mak ita nia preokupasaun,”dehan  deputadu PLP ne’e.

Iha sorin seluk, Xefi bankada partidu KHUNTO António Nobre akresenta, deklarasaun Xanana oinsa atu eduka de’it nia kuadrus sira, atu nune’e bele halo atendementu ne’ebé diakliu ba povu iha futuru.

“ Haree ba mensajen husi prezidente CNRT, perspektiva ami nian, ami haree ida ne’e hanesan presaun ba nia membru sira, iha objetivu seluk oinsa mak atu hadia, diak liutan servisu atendementu públiku ba ita nia sidadaun sira,

Hanesan líder, fó nia presaun ba membro sira atu bele hala’o nia knár tuir lei no regras ne’ebé iha,”tenik António.

Deputadu KHUNTO ne’e salienta tan, maske membro husi CNRT maioria seidauk simu posse inklui partidu Khunto nia membro nain ua, maibe iha koligasaun AMP kontinua sólidu,

Tanba ne’e polítíku ne’e konsidera, seila fó impaktu ruma ba koligasaun AMP rasik.

Antes ne’e, Prezidente partidu CNRT deklara, CNRT sai vítima iha impasse politika no sakrifika an koligasaun AMP.Say


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker