GMN TV Politika Governu sei lori fila dokumentu rezistensia TL husi Austrália

Governu sei lori fila dokumentu rezistensia TL husi Austrália

0 views

Sekretáriu Estadu Asuntu Kombatente Libertasaun  Nasional (SEAKLN), Gil da Costa Monteiru ‘Oan Soru’, hatete, VIII Governu liu husi Sekretáriu Estadu no Ministéiru Asuntu kombatente libertasaun nasional,  sei esforsu hodi lori  fila  dokumentu rezisténsia Timor-Leste (TL) nian, ne'ebé  arkiva hela iha Clearing House for Archival Records on Timor ka  Chart iha Sydney Australia.

Jornalista GMN, Lolita Cabral husi Australia, hato’o reportajen katak, lori fila dokumentu rezistensia TL nian husi Australia ne’e importante tebes ba patrimónia povu no nasaun nian.

"Razaun ita-nia luta ba libertasaun nasionál ne'e, ita ko’alia iha asuntu tolu, Frente Armada, Klandestina, no Frente Diplomátiku. Agora dadaun ha’u hanesan Sekretáriu Estadu no membru Governu, hakarak buka hatene ona katak, funsionamentu ba parte tolu ne'ebé durante ne'e, ita ko’alia, agora buka ona evidénsia sira, para bele reafirma katak, los nia evidensia ba frente tolu nian maka iha dokumentu balun ne'ebe ita haree iha fatin ne'e",  relata  Oan Soru ba Jornalista GMN Iha CHART Sydney Australia, Segunda (22/04/2019).

Sekretáriu Estadu Asuntu Kombatente Libertasaun Nasionál ne’e haktuir, kuandu ko’alia ba parte hotu nia luta, tenki identifika ona prosesu ida-ida, kada ema individu nia kontribuisaun espesialmente ba maluk ativista sira ne'ebé, fó apoiu maka’as tebes ba TL nia luta libertasaun nasionál.

"La signifika hanesan Sekretáriu Estadu mai haree de’it fila ona nonok tiha , maibé haree hotu sei fila halo programa hodi hatene kona ba, parte hotu nia kontribuisaun ba Timor-Leste nia luta, para ita bele husik hela istória ida di’ak, no los ba ita-nia jerasaun  foun iha futuru", akresenta Oan Soru.

Tuir Oan Soru, ida ne’e  mehi bo’ot ne'ebe Estadu nian, no VIII Governun rasik iha nia programa atu reafirma ona istória libertasaun nasional nian, hodi nune'e bele rai hela serteza istória ba jerasaun foun sira.

"Ita iha mós, kondisaun balun ké ita presiza atu fila ba Timor, tenki haree mós kondisaun balun, para dokumentus sira hanesan ne’e, ita labele foti ohin ho nia kondisaun di’ak, maibé ita lori ba atu hatama fli iha perigu nia laran. Hanesan membru governu mai haree hodi halo esforsu ho programa ruma hodi kria kondisaun, maibé labele promete ohin ne’e mai hare aban atu akontese sai relidade", katak Gil.

Entretantu, Jhon Waddingham hanesan eis Ativista Australia ne'ebé fó apoiu ba Timor Leste  hateten, dokumentu ne'ebé sira arkiva desde tinan 1975 to'o tinan 1999, nia rai hotu dokumentu sira ne’e,  no depois 1999 Timor-Leste ukun aan, hakarak hatene saida mak akontese, mak nia desidi katak, tenki rai ka prezerva didiak dokumentu sira ne’e.

"Tanba Australia Grupu Solidaridade mós barak, ativista barak, ne'ebé mak  hakarak, prezerva dokumentu sira ne'e, dokumentu ho fotografia sira ne'ebé ké organizasaun ida husi Timor-oan nian iha Australia naran East Timor Relief Association nia koleksaun, no ema importante save iha  organizasaun ne'e mak Ines Almeida, Aziu Pereira, Ceo Brites, ho Abel Guterres"  informa Jhon.****


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker