GMN TV Politika Juramentu Ramelau, sei hein membru Governu na’in 2 husi KHUNTO

Juramentu Ramelau, sei hein membru Governu na’in 2 husi KHUNTO

0 views

Konseleiru másimu partidu KHUNTO, José dos Santos Naimori informa, KHUNTO sei la haluha nia kompromísu, kona ba atu halo juramentu iha foho Ramelau, tanba ida ne’e parte ida husi kompromísu polítika KHUNTO nian ba povu.

Maibé Naimori haktuir, KHUNTO sei realiza nia kompromisu ida ne’e, bainhira membru Governu na’in rua husi KHUNTO nian simu ona posse husi Prezidenti Repúblika.

Tuir Naimori, bainhira kandidatu membru Governu hanesan Ministru Interior ho  Vise Ministru Negosius Estanjeirus no Kooperasaun  simu ona posse, KHUNTO sei determina tempu atu realiza kompromisu refere.

“Juramentu ne’e mak oras ne’e ami hein hela, oinsa para ami nia ema nain rua ne’ebé seidauk simu posse ne’e bele simu ona posse husi nai Prezidente Repúblika. Bainhira tomada de posse ona, ha’u determina de’it loron ona para loron hanesan ne’e ba kedan ona juramentu, tanba ida ne’e kompromisu partidu KHUNTO nian, buat hotu kompletu ona, hein de’it nai Prezidente fó tomada de posse, hotu ami mós anunsia ona para fulan saída mak atu lori sira ba Ramelau”, informa konselleru másimu Khunto, José dos Santos Naimori ba GMN iha nia rezidensia Surikmas Díli, Sesta(29/03/2019) ne’e.

Naimori Bucar esklarese, bainhira programa ba juramentu iha foho Ramelau ne’e realiza, programa refere sei loke ba públiku, no sei inklina mós grupu arte marsial ne’ebé hakarak kompromete an lakohi kométe krime hodi kontribui ba paz no estabilidade nasaun nian, bele lori mós nia membru ba tuir programa refere.

“Ha’u atu deklara ba povu Timor-Leste tomak katak, la’os atu lori membru Governu nain 8 ne’e, maibé lori mós sira ne’ebé mak arte marsiais, ne’ebé mak iha Timor laran, inklui iha partidu KHUNTO, ha’u hakarak lori sira ba juramentu iha Ramelau atu nune’e loron ruma labele mosu tan problema, hakarak kria de’it amizade entre organizasaun hotu-hotu, ne’edni kualker se de’it mak atu ba juramentu iha Ramelau ami prontu apoiu, tanba ami iha tema ida katak, haluha pasadu, haree ba futuru. Haluha passadu la signifika haluha ita-nia história, haluha ita-nia valor ukun aan ida ne’e la’e, maibé haluha ita nia problema sira ne’ebé ita halo ona”, afirma Naimori.

Antes ne’e, durante kampaña eleitoral, líder másimu partidu KHUNTO ne’e kompromete atu lori lideransa sira husi partidu KHUNTO ba halo juramentu iha foho Ramelau, bainhira involve aan iha Governu,  nune’e, serví povu no nasaun ho néon moos laran moos, no sei la na’ok povu no Estadu nia osan.say

 


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker