GMN TV Politika KHUNTO aprezenta Longuinhos ba MI, sei deside subtitui Turquel

KHUNTO aprezenta Longuinhos ba MI, sei deside subtitui Turquel

0 views

Konseleiru másimu partidu Kmanek Haburas Unidade Nasionál Timór Oan (KHUNTO) José dos Santos Naimori Bucar informa, KHUNTO aprezenta ona lista kandidatu úniku ne’ebé atu subtitui António Verdial ba Ministériu Interior (MI) mak Longuinhos Monteiru, maibé seidauk anunsia husi Primeiru Ministru, Taur Matan Ruak.

“Ami iha ne’e hatama ona karta ba Primeiru Ministru, maibé seidauk anunsiu sai, maibé ida ne’e ami nia kandidatu úniku atu assume kargu Ministru Interior hodi subtitui António Verdial, mak Longuinhos Monteiro rasik, maibé ida ne’e ami mós sei rona husi Primeiru Ministru, no Prezidente rasik konkorda, ida ne’e mak pozisaun KHUNTO nian,” relata José dos Santos Naimori ba GMN iha nia rezidénsia Surikmas Díli, Sesta(29/03/2019) ne’e.

Kona-ba kandidatu ba Vise Ministru negosius estranjeiru José Turquel ne’ebé inklina iha lista pendente, líder másimu partidu KHUNTO ne’e deklara, iha tempu badak partidu sei deside membru partidu ruma hodi deside, bainhira detekta José Turquel kométe duni eiru ruma kontra Estadu.

“Ida ne’e ami seidauk ko’alia to’o iha ne’eba, tanba sei iha preparasaun ida ho di’ak, ida ne’e seidauk iha serteja, maibé ami sei halo reuniaun ida, hodi bolu fila fali Turquel para atu husu, se sala ruma karik, iha tempu badak ida ne’e ami sei buka para subtitui fali Turquel para nune’e ba iha nia fatin. Ema atu troka ne’e barak, maibé ami hakarak hatene antes atu troka ema ida ne’e, primeiru tenki haree ema ne’e fó impaktu saída ba iha nasaun ida ne’e katak, ema ne’e iha sala ruma kala’e, sei nia iha sala duni, tempu badak ami bele deside fali ema ida para atu subtitui fila nia fatin,” katak Naimori.

Husi rezultadu koligasaun ho partidu CNRT PLP iha eleisaun antesipada ne’e, partidu KHUNTO hetan pozisaun 8, no husi pozisaun hirak ne’ebé KHUNTO hetan, sei hela pozisaun rua mak seidauk priense hanesan, ministério interior ho vise ministru MNEK, tanba naran kandidatu rua ne’e tama iha lista pendente, hanesan António Verdial ho José Turquel.say


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker