GMN TV Politika PN husu Governu koloka negosiante ambulante iha fatin justu

PN husu Governu koloka negosiante ambulante iha fatin justu

1 views

Reprezentante povu iha Parlamentu Nasional (PN), husu Governu atu koloka ka akumula didi’ak negosiante ambulante sira iha fatin ne’ebé justu no merese duni ba vendedor sira, hodi halo negósiu para sustenta sira nia moris, la’os duni tun sa’e de’it.

“Kestaun ida vendedor ambulante ne’e la’os foin mak akontese, maibe kuaze tinan-tinan problema ida ne’e kontinua iha, entaun parte Governu nian presiza atu tau hanoin ne’ebé justu liu para oinsa mak akomoda no fasilita vendedores ambulante, tanba buat ne’ebé sira ( negosiante ambulante) halo, la’os estraga nasaun, ne’e parte ida ajuda mós Governu. Katak sira la tane liman ba Governu kona-ba husu kampu de traballu, sira apoia Governu oinsa atu reforsa ekonómia família nian, tanba ne’e mak Governu tenki buka para oinsa fó espasu ida hodi solusiona ho justu ba ita-nia vendedor sira ne’e. Ha’u sujere atu labele taka dalan ba ita-nia maluk sira hodi buka moris, tanba se ita hapara servisu ba ema ida, hanesan mós aihan bikan ida ba ita-nia povu ida ne’e, tanba ne’e konseitu ida ne’e buka atu konsidera mós vendedor ambulante sira”, Rekomenda deputada FRETILIN, Nelia Menezes iha plenária PN, Segunda (08/04/2019).

Nune’e mós, deputadu bankada PLP, Noe Amaral rekomenda mós ba Governu, atu indika fatin di’ak ruma ba negosiante ambulante sira hodi kontinua buka moris.

“Negosiante ambulante sira bele karik Estadu tau matan mós ba ita-nia negosiante sira ne’e, para koloka sira iha fatin ne’ebé mak Estadu indika serve duni atu fa’an iha fatin ne’ebé mak Estadu indika ba”, dehan Noe.

Hatan ba rekomendasoens hirak ne’e, Ministru reforma Lejislativa no Asuntu Parlamentares, Fidelis Leite akresenta, informasaun kona-ba negosiante ambulante ne’e, nia parte hato’o ona iha konsellu ministru iha semana kotuk, maibé nia parte kompromete sei informa tan, nune’e bele buka solusaun ba preokupasaun hirak ne’e.Say


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]mntv.tl
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker