GMN TV Politika PN seidauk simu relatóriu sosa asaun ConocoPhillips-Shell

PN seidauk simu relatóriu sosa asaun ConocoPhillips-Shell

0 views

Maske Timor-Leste sosa ona asaun ConocoPhillips no Shell nian kampu mina Greater Sunrise 56%, maibe to’o ohin loron governu seidauk hato’o relatoriu ba Parlamentu Nasional.

Vise Prezidente Parlamentu, Maria Angelina Lopes, ba jornalista sira, Tersa (23/4) iha PN hatete ofisialmente Parlamentu seidauk simu informasaun kona ba sosa asaun ne’e, maibe iha media sosial no publisidade Governu nian katak governu realiza ona prosesu pagamentu.

 “Ha’u hanoin Governu tenki iha responsabilidade atu informa mai Parlamentu  Nasional, tanba primeiru Parlamentu Nasional maka aprova primeira alterasaun kona ba lei atividade fundo petrolifeiru ne’ebé loke dalan ba Governu atu bele investe hodi sosa asaun sira ho investimentu pursento ne’ebé bele to’o 20,30 pursento,” dehan Maria Angelina.

Ema numeru rua iha orgaun lejislativu nee fó razaun katak Parlamentu Nasional maka aprova orsamentu ba ezekusaun ou operasionalizaun oinsa atu dada kadoras mai Timor – Leste, inklui osan ne’ebé atu sosa asaun, tanba lei ne’e loke dalan ba investimentu mais 30 pursento ba atividade petrolifeira.

Tanba nee bainhira lei ne’e aprova iha PN orsamentu mos tenki aplika, ho ida ne’e maka PN konkorda hasai 650 miloens husi osan mina rai nian atu investe, atu sosa asaun nune bele realiza planu Governu nian atu dada kadoras mai Timor - Leste.

“To’o agora governu seidauk informa mai PN mais hau fiar katak iha tempo besik Governu sei hato’o informasaun ne’e mai Parlamentu Nasional kona ba ida ne’e, tanba normalmente informasaun sira ne’e tama iha gabinete Prezidente Parlamentu Nasional nian depois maka Prezidente PN hatun despaizu hodi distribui informasaun sira ne’e ba Deputadu sira,” dehan nia.

Iha fatin hanesan representanta Governu, Mericio Akara, hatete pasu importante liu maka Timor Leste liu ona no sai nain ba Greater Sunrise, Timor - Leste konsege sosa asaun ne’e tuir tempo ne’ebé iha maske antes ne’e ema barak preokupa, konfuzaun, duvida mais depois Governu fo fiar tomak ba Kay Rala Xanana Gusmão ba lidera prosesu ne’e no konsege selu e sei dada kadoras mai Timor Leste.

“Prosesu relatoriu sira ne’e ita nia ekipa tekniku maka sei haree no finaliza e loron ruma governu sei apresenta, ida ne’e laos problema. Ne’e kestaun tempo deit, tanba prosesu iha teknik ne’e neneik no ita labele ansi,” dehan Akara.

Governante nee dehan tan kona-ba aprezentasaun relatoriu ne’e prosesu teknik deit, hanesan ANPM, Timor Gap, Ministeriu Finansa no seluk tan, kona ba tempo governu seidauk bele fo nia deadline mais karik finaliza ona governu prontu atu apresenta.Nes


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker