Reprezentante povu iha Parlamentu Nasional (PN) hato’o parabens ba reprezentante espesial governu ba asuntu petroleu Kay Rala Xanana Gusmão hafoin halo pagamentu ba kompañia ConocoPhillips no Shell iha Singapura, semana ne’e.
Membru Parlamentu Nasional, Gorumali Barreto no Oscar de Araújo hato’o parabens ba reprezetante espesial governu ba asuntu petroleum Kay Rala Xanana Gusmão, Kuarta (17/04) iha Parlamentu Nasional.
Deputada Maria Gorumali Barreto hatete lori povu Timor – Leste ninia naran hato’o parabens maun bo’ot Kay Rala Xanana Gusmão nebe halo ona prosesu ba sosa partisipasaun ConocoPhilips no Shell iha kampo mina Greater Sunrise, iha Singapura foin lalais nee.
“Dala ida tan hau hakarak fo parabens ba povu Timor - Leste tomak liu-liu ba maun bo’ot Kay Rala Xanana Gusmão nebe hanesan reprezentante Espesial Governu ba asuntu Petroleu,” dehan Maria Gorumali Barreto iha PN.
Nunee mos Deputadu Oscar de Araujo hato’o parabens ba Primeiru Ministru Taur Matan Ruak nebe depozita konfiansa mutua ba maun bo’ot Xanana Gusmão ho ekipa susesu sira hodi lidera prosesu tomak ba determina Timor Leste nia rikusoi nasaun ninian.
Loron 16 fulan Abril tinan ne’e Timor - Leste marka tan data istória ne’ebé Reprezentante Espesiál Governu Timor-Leste, Kay Rala Xanana Gusmão ho ekipa hosi ANPM no TIMOR-GAP, iha Singapura konklui ona halao tranzasaun pagamentu ho montante millaun dolar amerikanu USD650 ba asaun Kompañia petrolífera ConocoPhillips no Shell iha atividade esplorasaun kampu Greater Sunrise nian.
Ho pagamentu ne’e, hahú ohin ba oin Timor-Leste mak sai ona nain ba proprietáriu Kampu Greater Sunrise ho 56.56 % no iha direitu ba deside futuru kampu Greater Sunrise nian mai Timor-Leste. Nes
