Bankada AMP kontinua preokupa ho paradeiru husi ró haksolok ne’ebé to’o oras ne’e seidauk mai Timor-Leste, tanba tuir AMP ró ne’e sosa ho osan povu nian, maibe bankada Fretilin konsidera kestaun ne’e responsabilidade Primeiru Ministru (PM) Taur Matan Ruak.
Deputadu AMP, Patricino Fernandes, hatete durante ikus ikus ne’e ema barak maka seidauk hatene ró Haksolok nia andamentu, progresu to’o iha nebe, tanba ne’e maka husu Ministru atu fornese informasaun mais ou menus to’o iha nebe ona.
“Ita hotu hatene publiku mos hatene ró haksolok ne’e nia pagamentu to’o ona 100% maibe to’o ohin loron ró ne’e nia paradeiru iha nebe, tanba ró ne’e lori osan estadu nian maka sosa depois atu halo asistensia ba ita nia populasaun iha Atauro no Oekusi, tanba ne’e maka hau hanesan representante povu preokupa tanba ró ne’e nia informasaun kuaze laiha,” dehan Patricino Fernandes iha PN, Kuarta (10/04/2019).
Deputado nee hatutan nudar reprezentante povu, presiza hatene kona ba informasaun ne’e, tanba kuandu povu husu kona ba kestaun ne’e Deputadu sira bele responde.
Iha fatin hanesan Deputadu, Francisco Miranda Branco, hatete kona ba ró haksolok husu ba Primeiru Ministru, Taur Matan Ruak, tanba ida ne’e servisu ezekutivu nian, Parlamentu nian maka atu fiskaliza.
“ Ba Primeiru Ministru Taur Matan Ruak, tanba Primeiru Ministru maka tutela ZEEMS e Primeiru Ministru sei hatene informasaun diak liu ou Ministru Transporte no Komunikasaun, bankada Fretilin laiha relasaun ho ró haksolok tanba ami haree estadu Timor Leste tomak laos ZEESM”,dehan Branco. Nes
