GMN TV Politika Ramos Horta: Rekursu umanu difikulta TL adere ba ASEAN

Ramos Horta: Rekursu umanu difikulta TL adere ba ASEAN

1 views

Eis Prezidente Repúblika (PR), José Ramos Horta, hateten, Timor-Leste (TL) iha komitmentu boot atu adere ba Association fo South East Asian Nations (ASEAN), maibe TL sei hasoru difikuldade iha rekursu umanu inklui infraestrutura.

“Ne’e ministeriu negósiu estranjeiru ninian hamutuk mós ho embaixada Indonesia, Amerika ho Nova Zelandia mak organiza. Ida ne’e hatudu mós Timor-Leste nian prepasaun atu tama ASEAN que TL iha kapasidade ona, meius infraesturtura, rekursu umanu para tama ASEAN. Tamba tama ASEAN todan teb-tebes ba TL, tanba eziji rekursu umanu barak teb-tebes”, José Ramos Horta informa Asuntu ne’e hafoin sai orador iha semináriu ASEAN Rejional Forum iha Hotel Novo Turísmo, Díli Kuarta (24/04/2019).

Laureadu Nobel da Paz, José Ramos Horta hatutan, TL persiza mos segurans ne’ebé adekuadu atu nune’e bele garante paz no estabilidade iha nasaun ne’e bainhira TL adere ona ba ASEAN.

Iha okaziaun ne’e Ramos Horta, haktuir, durante ne’e TL partisipa no organiza reuniaun balun ASEAN nian núdar oportunidade ba TL hodi hatudu matenek, kapasidade ba membru ASEAN sira katak TL mós bele.

“Timor Leste tinan 15 ona dame iha klean, demokrasia klean, ita nia sistema polítiku no governasaun la’o diak, ha’u hatudu mós progresu barak ne’ebé Timor iha, infrasturtura ita nia ekonomia tinan 10 mai ne’e, ita nia rekursu umanus, ohin diak liu la’os hanesan tinan 10 liu ba”, haklean Ramos Horta.

Iha fatin hanesan Diretór Jerál Asuntu ASEAN Ministeriu Negosiu Estranjeiru no Kooperasaun (MNEK) Embaixador, Jorge Camões, hateten, TL iha ona komitmentu atu adere ba ASEAN perzisa tempu.

“Ida mós ligasaun ho kometmentu ita nia sai membru ASEAN, atu sai memru ASEAN ita mós hakarak hatudu ita nia kapasidade organiza eventu boot sira hanesan ne’e i partilla esperensia saida mak ita iha, ita hein desizaun husi parte ASEAN ninian, bainhira mak sira sente konfortavel ita nia adesaun ba ASEAN”, dehan Jorge Camões.

Maske TL sei hein desizaun atu adere ba ASEAN, maibé nia garante iha tempu badak nia laran TL sei adere ba ASEAN. Tuir diplomata ne’e katak, Singapura la’os rezeita TL adesaun ba ASEAN, tamba politíka ASEAN ninian kona’ba konsensu, tanba ne’e mak ita hein hela. Aes


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker