Ministro das Obras Públicas (MOP), Salvador Soares dos Reis Pires, hatete, nia prontu simu desizaun husi Primeiru Ministru (PM), Taur Matan Ruak, wanhira nia mós tama lista remodelasaun ba Oitavu Governu Konstitusional ne’e.
“Hau prontu simu desizaun husi Primeiru Ministru, sé wanhira ami nia Ministeriu Obras Públikas tama lista remodelasaun ne’e kompetensia Primeiru Ministru nian, ita labele mete to’o iha ne’ebá, maibe hau hanoin durante ne’e komunikasaun ami nia servisu ho ministeriu nian kompetensia servisu ne’ebé mak Primeiru Ministru fó mai ami diak, hau hanoin katak Primeiru Ministru iha konfiansa tomak mai ministeriu”, dehan Ministro das Obras Públicas Salvador Soares dos Reis Pires, ba JNDiário, Kuarta (17/04) iha Palasiu Governu.
Antes nee Primeiru Ministru Taur Matan Ruak hatete katak remodelasaun ba Oitavu Governu Konstitusional nee sei akontese iha tempu badak nia laran. Ministro Obras Publicas dehan remodelasaun governu ne’e kompetensia Primeiru Ministru nian.
“Prontu ne’e desizaun sé Primeiru Ministru hanoin katak, ministeriu ka ministru inklui MOP mos nia hanoin atu troka pesoal foun fila ba Xefe Governu nia desizaun ne’e hau laiha buat ida, ne’ebé para atu ba mete iha to’o iha ne’ebá, ne’e Primeiru Ministru nia kompetensia sé wainhira sé nia hili ministru MOP mak tenki remodela, ami prontu simu desizaun husi PM, maibe ami mos sente kontente ,tamba durante ne’e ami mos hetan louva tebes husi PM konaba ami nia servisu durante ne’e”, informa Ministru.
Membru Orgaun Ezekutivu ne’e sente orgullu ,tamba durante ne’e nia mos hetan prestasaun servisu diak husi observasaun Primeiru Ministru Taur Matan Ruak.tos
