GMN TV Politika Timor GAP prontu halo audiénsia iha PN

Timor GAP prontu halo audiénsia iha PN

0 views

Reprezentante Governu iha Parlamentu Nasionál (PN), atual Sekretáriu Estadu Komunikasaun Sosial (SEKOMS), Mericio Juvinal dos Reis Akara, hateten, Timor GAP prontu marka audiénsia iha PN, hodi halo esplikasaun ba deputadu sira kona ba investimentu iha kampu greater sunrise. 

Tanba ne’e,  Mericio Akara husu deputadu sira ne’ebé seidauk kompriende kona-ba planu investimentu iha kampu greater sunrise, atu bele aproveita hodi rona esplikasaun Timor GAP nian.

“Ita ko’alia kona-ba nivel polítika mak, buat hotu ami esplika hotu tiha ona, hanesan iha merkadu lama, transmisaun direita no públiku akompaña, mai esplika iha sala konférensia no mai to’o iha plenária, maibé maluk balun kontinua hela ho dúvidas, tan ne’e atu husu de’it dúvidas ne’e iha parte ne’ebé, karik parte polítika ami esplika hotu ona”, relata  Mericio Juvinal dos Reis Akara ba jornalista sira iha PN, Sesta (29/03/2019).

Governante ne’e informa, bainhira deputadu sira ne’ebé la kompriende iha parte tékniku, Timor GAP prontu atu fó esplikasaun iha parlamentu dala ida tan.

“Ita-nia polítika klaru ona, ita sei sosa asaun no dada Pipeline mai Timor, no pozisaun Governu nian sei la mai hela de’it semana semana hodi fó esplikasaun, lolos ne’e kada fulan tolu maka deputadu sira bele bolu Governu mai ko’alia kona-ba progresu la’o oinsa, la’os semana-semana fali”, katak Akara.

Sekretáriu Estadu Komunikasaun Sosial ne’e informa, dadaun ne’e, Governu liu husi Ministériu Finansas, Timor Gap no Banku Central halo ona prosesu tomak kona-ba sosa asaun ConocoPhillips  ho Shell.

“La’os ita maka atu husu estendesaun, maibé kompañia ConocoPhillips  ho Shell mak husu estende. Tanba ne’e, ita sei la selu multa, ida ne’e normal, bainhira investimentu bo’ot ida hakarak fó pareser ne’e di’ak, maibé ita sempre prontu bainhira sira dehan bele halo transférensia osan ona, mak ita bele transfere dadauk ona. Tan ne’e husu atu labele konfuzaun atu kona multa”, afirma Mericio.

Kompañia ConocoPhillips ho Shell, husu ona Timor-Leste atu estende tan tempu halo pagamentu ba to’o loron 5 fulan Abril tinan ne’e.

Antes ne’e, iha kontratu entre Timor-Leste ho kompañia rua ne’e, fó tempu fulan tolu husi Janeiru to’o Marsu tinan ne’e, hodi halo pagamentu, no bainhira la selu sei kona multa.say


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker