Timor – Leste, ohin, 16 Abril nee selu asaun kompañia ConocoPhillips ho Shell Energy ho osan montante millaun dólar amerikanu 650. Tuir lolos pagamentu ba kompañia internasional rua nee iha 5 Abril, maibe governu Australia maka deside adia ba 16 Abril, tanba Foreign Investment Review Board iha Asutralia presiza tempu atu ajusta dokumentu balu kompañia rua nee nian.
Konaba prosesu pagamentu ba kompañia ConocoPhillips no Shell, Ministru Reforma Lejislativa Asuntu Parlamentares Fidelis Magalhaes hatete nia parte lakohi fó komentariu konaba asuntu nee, tanba Timor Gap mak iha kompetensia atu divulga asuntu nee.
“Kona ba asuntu ne’e diak liu ita konfirma fila fali ho Timor Gap no Banku Sentral. Hau lakohi komenta lai, ita hein lai depois aban (ohin-red) hansa ne’e maka ita koalia fila fali nia lalaok to’o iha nebe, se lae ita komenta antes tiha depois hanesan deit. Kona ba planu depois de sosa asaun ita presiza lao ida por ida, ita haree lai faze ida depois maka kontinua ho faze seluk ida, se lae ita hakat ba mai deit ne’e ita kria konfuzaun,” dehan Fidelis iha PN, Segunda 15/04/2019
Maske nunee foin lalais ne’e tuir publikasaun iha media sosial katak foreign investment review board husi australia fo ona libersaun ka clearance ba pagamentu millaun USD650 husi Timor-Leste ba ConocoPhillips no Shell
Bainhira Timor - Leste halo ona pagamentu ba kompañia ConocoPhilips ho Shell signifika Timor-Leste sei sai na’in ba kampu Greater Sunrise ho asaun porsentu 56.56%. Nes
