GMN TV Politika TL transfere ona millaun USD 650 ba ConocoPhillips-Shell ■ Sai partisipasaun maioritária iha esplorasaun GS

TL transfere ona millaun USD 650 ba ConocoPhillips-Shell ■ Sai partisipasaun maioritária iha esplorasaun GS

0 views

Reprezentante epesiál Governu Timor-Leste (TL) ba asuntu petróleu, Kay Rala Xanana Gusmão, Tersa (16/4/19), asina ona dokumentu ofisial ho reprezentante kompañia ConocoPhillips, Chris Wilson ho reprezentante kompañia Shell Energy, Cecile Wake, iha Singapura hodi konkretiza partisipasaun maioritária Timor-Leste nian iha konsórsiu ba esplorasaun kampo Greater Sunrise (GS).

Jornalista GMN, Napoleão Xavier husi Singapura hato’o reportajen katak, hafoin asina akordu, reprezentante epesiál Governu ba asuntu petróleu, Kay Rala Xanana Gusmão, hatete, ConocoPhillips ho Shell hakarak fa’an sira-nia asaun, tanba ne’e Timor-Leste foti kedas oportunidade ne’e hodi sosa, nune’e Timor-Leste mos hakarak sosa duni.

“Imi hotu akompaña aprovasaun dehan sosa, ne’e maka horiseik (Horibairuak/ loron 15/4/19), selu hotu ona, ne’ebé ohin (Horiseik) ninian ne’e la asina akordu maibe selu ninian (asina) dehan katak taka ona, katak, sira (kompañia ConocoPhillips ho Shell) sira simu tiha ona osan, ne’ebé laiha tan problema ona”,dehan Xanana Gusmão iha Singapura, iha eskrtóriu advogadu nian, hafoin oras 24 transfere tiha ona osan millaun USD 650 ba ConocoPhillips no Shell, iha ne’ebé ConocoPhillips ho millaun USD 350 no Shell millaun USD 300.

Tuir líder karismátiku Kay Rala Xanana Gusmão, katak, agora ne’e dadauk Timor-Leste mak sai partisipasaun maioritária iha esplorasaun Greater Sunrise ho porsentu 56,6 no Woodside ho Osaka Gas nian.

Xanana kontinua dehan, Timor Gas And Petroleum (GAP) mak hanesan ajensia Estadu nian hodi selu kompañia rua ne’e nia asaun.

“Ita konklui prosesu pagamentu no ao mesmo tempo, prosesu atu transfere títulu ka direitu ba partisipasaun iha greater sunrise nian husi ConocoPhillips ho Shell nian ba Timor GAP. Entaun husi ohin 10:30 ba oin ne’e Timor GAP mak nain ba 56, 6% greater sunrise nian, ho nune’e ba oin ami sei bolu malu ho Woodside no Osaka Gas hodi estabelese komunikasaun, segundi ita diskuti  dadauk ona ba oin ne’e atu halonusa mak ba oin ne’e hamutuk para ba dezenvolvimentu ba kampo greater sunrise ne’e”,dehan Prezidente Timor GAP  Francisco Monteiro.

Francisco Monteiro   dehan tan , posibilidade Timor-Leste bele hetan vantajen ekonomia husi  fundu minarai   billiaun 25 ka  sa’e to’o billiaun 50,  maibe kuandu Governu halo planta iha Beasu,  nia sei estimula ekonomia barak iha Viqueque, no  bele kria kampu servisu ba Timor-oan sira.

Nune’e mos Prezidente Autoridade Nasionál Petroliu Minarais (ANPM), Gualdino da Silva, fó parabens ba reprezentante Governu Kay Rala Xanana Gusmão no Kompaña Timor GAP Empreza Públika, sira-nia esforsu hodi hetan konkluzaun ba prosesu sosa asaun  husi kompañia ConocoPhillips no Shell.

"Ita  hotu sai sasin ba konkluzaun ba  prosesu sosa asaun Conocophilips no   Shell. Tuir papel ANPM, hahú inisiu hafoin tratadu asina, hetan instrusaun  husi  ita nia Xefe Negosiador ba fronteiras maritima, reprezentante espesial Governu ba asuntu petroliu, atu bele koordena nomós lidera ho negosiasaun kontratatores  hotu ne'ebé mak sira nia kontratu afetadu husi tratadu fronteira maritima ida ne'e atu nune'e bele hetan ratifikasaun lalais ba tratadu fronteira maritima",dehan Gualdino da Silva.

Entretantu partisipasaun ConocoPhillips 30%, enkuantu Shell 26,5. Entretantu akordu konkretizasaun ne'e, asiste diretamente husi veteranu Timor-oan sira****


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker