GMN TV Politika Aviaun transnusa suspende operasaun durante fulan ida

Aviaun transnusa suspende operasaun durante fulan ida

Ministeriu Tranpsorte no Komunikasaun (MTK), simu ona proposta husi kompaña aviaun transnusa suspende nia atividade operasaun durante fulan ida, nune’e mos Governu deside aviaun airlines hotu halo operasaun semana ida dala ida iha loron domingo.

Ministru Transporte no Komunikasaun, José Agostinho da Silva, hatete, sorumutu ho Primeiru Ministru(PM), Taur Matan Ruak, hodi relata kona-ba preparasaun, hodi haree ba movimentasaun transporte, Aero, Terestre no Maritima iha situasaun emerjénsia, airlines hotu sei halo operasaun, semana ida dala ida, iha loron domingo.

“Ha’u relata ba PM kona-ba preparasaun MTK nian, ne’ebé haree liu ba movimentu transporte, Aero, terestre no maritima iha situasaun emerjénsia ida ne’e, ita hotu hatene katak, Prezidente Repúblika dekreta ona Estadu Emerjénsia kabe ba kompetensia ministeriu idak-idak nian, oinsá mak ita bele kumpri Estadu Emerjénsia ida ne’e,” afirma, Ministru Transporte no Komunikasaun, José Agostinho da Silva, iha Gabineti Sosiedade Sivil, Palasiu Governu, Tersa (31/03/2020)

Governante ne’e esplika, iha situasaun ida ne’e MTK analiza no tetu, kontextu husi dekretu governu nian, tama ba faze implementasaun, ba dala uluk movimentu transporte Aero, aviaun sira ne’ebé mak durante ne’e halo operasaun mai Timor-Leste, koneksaun husi Díli ba Darwin, Díli ba Bali, no Díli Singapura, durante ne’e nia operasaun lor-loron.

Maibé, MTK tetu rajaun hirak ne’e hotu, hotu hatun desizaun hodi hatur desizaun, ita halo limitasaun ba movimentu aviaun, agora governu halo limitasaun kada semana ida, semo dala ida, ne’e vigora ba Airlines hotu, Citilink, Transnusa, Sriwijaya, Druck Air, no Air Not.

“Iha semana liu ba, Transnusa rasik hato’o pedidu ida, atu para temporariamente, maibé ba airlines sira seluk, sei asegura semo kada semana ida dala ida iha loron domingo, objektivu husi redus movimentasaun ida ne’e, hodi suspende sidadaun estranjeiru tama mai TL, tamba ne’e limita Voo aviaun nian, semana ida dala ida hodi fasilita, sidadaun Timor-oan iha estranjeiru atu mai TL,” dehan, Ministru José.

Ministru Tranpsorte no Komunikasaun esplika liutan, iha kontextu ida ne’e, ita nia Monitorizasaun mak tenki rigorozu, MS labele failla iha kontrolu obrigatoriumente tenki kumpri regra ne’ebé mak fó sai husi MS, atu nune’e bele trava COVID-19, labele hadaet ba ema seluk.

Nune’e, José Agostinho da Silva aprofunda, semana ida ne’e MTK implementa ona, no agora ba oin mantein ho voo ida ne’e, ba futuru MTK sei tetu nia gravidadi husi moras ida ne’e oinsá, no presu husi tiketi nian sei nafatin.

“Bainhira ita suspende movimentasaun transporte aero, maritima no terestre, tamba bainhira suspende ona ita nia Timor-oan iha estranjeiru la mai ona, ita suspende ema estranjeiru tama mai TL, maibé Timor-oan sira sei mai nafatin,” akresenta, José Agostinho.Cin


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker