GMN TV Economia Fó apoia ba empreza no traballadór aprovadu iha KM

Fó apoia ba empreza no traballadór aprovadu iha KM

0 views

Governu liu husi Konsellu Ministru (KM) aprova ona projetu dekretu lei, ne’ebé aprezenta husi Ministra Solidariedade Sosial no Inkluzaun (MSSI), Armanda Berta dos Santos, kona-ba medida apoiu ba traballadór no empreza iha ámbitu pandemia COVID-19.

Diploma ida ne’e viza prinsipalmente ne’ebé atu evita dezempregu, no hamenus impaktu iha rendimentu ba traballadór no apoiu viabiliza ba empreza.

“MSSI ho MEKAE aprezenta ba Konsellu Ministru kona-ba Governu atu fó apoiu ba Empreza no Traballadór sira, no hetan ona aprovasaun iha KM, iha tempu badak sei hahú implementasaun, ita husu atu apoiu ne’ebé fó 60% mai husi Estadu no 40% empreza mak selu ba funsionariu sira,” deklara, Ministru Estadu Koordenador Asuntu Ekonomia (MEKAE), Fidelis Leite Magalhães, iha Ministeriu Finansa, Kuarta (22/04/2020).

Fidelis hatutan, iha kondisaun ne’e katak empreza sira labele pecat sira nia funsionariu, durante Estadu Emerjénsia no husu mos ba ema hotu ne’ebé atu sai benefisiariu, tenki rejistu iha seguransa nasionál.

“Ida ne’e sei apoiu makas ba ita nia traballadór no empreza, atu nune’e empreza sira bele sustenta nia aan hodi bele aguenta durante Estadu Emerjénsia, atu nune’e traballadór mos labele lakon nia fonte rendimentu, ne’ebé importante tebes ba sira no familia,” afirma, Fidelis.

Governante ne’e haktuir, intervensaun ida ne’e importante tamba sei kontribui, atu bele aguentta durante Estadu Emerjénsia no iha faze agora sei kontribui liu tan, ba ekonomia bainhira situasaun la’o ho normal.

“Ita kolia kona-ba rekopera ekonomia, ema hanoin katak Estadu Emerjénsia hotu mak governu foin rekopera, ida ne’e lalos, intervensaun ne’ebé ita halo iha prinsipiu ida ne’ebé importante ne’e mak tempu, tamba medidas balun ita tenki halo agora, maibé nia benefisiu ne’e sei mosu iha futuru, ne’ebé mak iha relasaun entre empreza no traballadór,”subliña, Fidelis.

Ministru Fidelis aprofunda liutan, bainhira láhalo intervensaun agora, empreza sira nia kapasidade finanseriu atu bele selu sira nia traballadór sira laiha, entaun empreza hasai traballadór, ho situasaun ida ne’e laiha intervensaun ne’e, empreza sira laiha ona kapasidade no ema barak mak sei lakon nia servisu.Cin


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker