GMN TV Politika Fó subsídiu ba komunidade durante EE, PD: Ne’e hanesan projesaun polítika

Fó subsídiu ba komunidade durante EE, PD: Ne’e hanesan projesaun polítika

0 views

Xefe bankada Partido Democrático (PD), António da Conceição “Kalohan”, konsidera, planu VIII Governu atu fó subsídiu eletrisidade no bee moos ba kliente sira iha teritóriu Timor-Leste durante Estadu Emerjénsia (EE) ho gratuita ne’e, hanesan  projesaun polítika ida.

“Governu tenke iha planu adekuadu bainhira mak situasaun sira ne’e hahú Estadu Emerjénsia ita foin tama loron hira ona, ninia efeitu iha ona saída. Halo netik avaliasaun ruma ba buat sira ne’e, agrora projesaun polítika  de’it, buat ne’e ita sente nasaun ne’e laiha diresaun klaru, oinsa mak ita hala’o dezenvolvimentu, oinsa atu halo atendimentu ba COVID-19 nia efeitu ka saída, buat hotu tama fali iha EE buat hotu paradu. Agora Governu halo fali rekoperasaun ekonómiku fó subsídiu mak di’ak ou gratuita mak di’ak”, Xefe bankada PD ne’e iha PN, Tersa (31-03-2020).

Kalohan subliña, Governu tenke iha planu ida adekuadu durante implementasaun EE no tenke halo avaliasaun ba ninia efeitu.

“Ha’u labele to’o  iha ne’ebá, tanba ita sei haree lai kapasidade nia impaktu bainhira emerjénsia fó impaktu, ita bele foti polítika sira ne’e mai oin, atu halo prevensaun, maibé dekreta EE, subsídiu tan, ida ne’e ita hadau malu  fatin sira seluk hotu ona”, tenik Xefe bankada PD ne’e.

Vise Xefe bankada Frente Revolucionária do Timor-Leste Independente (FRETILIN), Francisco Miranda Branco, hateten, polítiku Ministériu Obras Públika (MOP) ni’an ne’e di’ak iha situasaun EE ida ne’e, tanba ho intensaun atu ajuda komunidade.

“Iha situasaun  ida ne’e ami mós apelu ba ita-nia emprezariu hotu atu koopera, hodi fó solidariedade ba malu iha situasaun ida difísil ba mundu tomak no nasaun ki’ak, ki’ik hanesan ita difísil liu tan. Tanba ne’e, parte hotu tenke fó liman ba malu no tenke tuir disiplina, hodi labele kontaktu ba malu la’ós tanba atu fahe malu, maibé ne’e hatudu solidariedade ba malu mak metin liu hodi salva malu. Kona-bá subsídiu sira ne’e ha’u hanoin ministériu kompetente tenke haree di-di’ak grupu ne’ebé lidera husi Primeiru Ministru (PM), Taur Matan Ruak ba krize nasionál atu bele verifika di-di’ak, sé mak grupu ida atu hetan benefísiu hanesan agora dau-dauk MOP publika ona katak, sei hetan gratuita enerjia eletrisidade“, subliña Francisco.

Entretantu dau-daun ne’e, kliente ba bee moos iha kapitál Díli hamutuk 14.000 no kliente ba eletresidade rihun 70 resin, nune’e total kliente iha teritóriu Timor-Leste hamutuk rihun 170. ety

 


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker