GMN TV Politika Fretilin okupa pasta Finansa, Administrasaun Estatal ho Saúde iha Governu

Fretilin okupa pasta Finansa, Administrasaun Estatal ho Saúde iha Governu

0 views

Membru sira hosi Fretilin, ho aspetu "teknokrata" sei okupa, entre kargu sira seluk, pasta sira Finansa, Administrasaun Estatal, Saúde ho Turizmu Komérsiu ho Indústria iha Governu atual timoroan nian, hatete hosi sekretáriu-jeral partidu nian ba Lusa.

"Iha polítiku Fretilin nia laran ba partisipasaun hosi membru sira ho perfil teknokrata liu, maski hanesan membru sira Fretilin nian", Mari Alkatiri esplika iha entrevista ba Lusa.

"Agora daudaun ami prenxe de'it kargu sira ne'ebé manuk hafoin laiha tomada pose hosi membru oioin Governu nian", nia refere.

Mari Alkatiri esplika ona katak partisipasaun hosi Fretilin reprezenta "apoiu ne'ebé partidu hakarak fó mós hodi viabiliza Governu ne'e", hodi okupa kargu oioin ne'ebé maka seidauk prenxe iha ezekutivu.

Nia esplika katak iha konkretu Frente Revolucionária do Timor-Leste Independente (Fretilin) sei iha membru na'in lima iha ezekutivu, rekomenda naran daneen ida, hosi Partidu Demokrátiku (PD) hodi harii ezekutivu ida "ho inkluzaun boot".

"Sei iha na'in lima hosi Fretilin no na'in ida hosi PD. Agora iha primeiru-ministru nia liman hodi aselera prosesu hodi aprezenta proposta sira ba Prezidente Repúblika no Prezidente konsidera ho fó pose", nia afirma.

"Laiha membru ruma hosi CNRT, ne'ebé iha Governu, maka sei hetan demisaun. Eseptu iha desizaun ida hosi partidu rasik hodi hasai sira no sira hili hodi husu demisaun", nia afirma.

"Ne'e hanesan kestaun ne'ebé ha'u ko'alia ho primeiru-ministru. Defini iha ne'e saida maka Fretilin insisti dezde tinan 2007, ne'ebé maka Governu ida ho inkluzaun boot", nia esplika.

Rekorda katak iha kargu oioin maka mamuk iha ezekutivu dezde nia tomada pose iha 2018 tanba Prezidente Repúblika, Francisco Guterres Lu-Olo - ne'ebé hanesan mós prezidente hosi Frente Revolucionária do Timor-Leste Independente (Fretilin) - rekuza fó pose ba sira tanba "sira nia naran identifika iha prosesu judisial kompetente sira" ka "iha perfil étiku kontroversu ida".

Parte barak hosi membru sira ne'ebé hili no hetan rekuza hanesan elementu sira hosi Congresso Nacional da Reconstrução Timorense (CNRT), halo kargu sira ne'e okupa interinamente hosi membru sira seluk hosi ezekutivu.

Hatán kona-ba pozisaun hosi Prezidente timoroan nian ne'e bele haree hanesan tentativa ida hodi fó benefísiu ba Fretilin, ne'ebé agora tama iha Governu, Alkatiri hatete katak Fretilin atua "iha ámbitu hosi dezenvolvimentu prosesu polítiku nian" iha fulan hirak ikus ne'e.

"Bainhira laiha implozaun hosi Aliansa Mudansa ba Progresu (AMP) [koligasaun ne'ebé antes apoia Governu atual], Fretilin sei kontinua nia serbisu normal, hanesan opozisaun", nia esplika.

Alkatiri insisti katak aliansa foun hosi maioria parlamentar, lidera hosi Congresso Nacional da Reconstrução Timorense (CNRT), hosi Xanana Gusmão, "harii hosi baze ilegal ida" no hakarak "halo maioria ida ho buat ne'ebé laiha ona".

Ho entrada Fretilin nian iha Governu kuaze "kria fali" aliansa ida ne'ebé diskuti ona hodi harii anterior Governu, hafoin vitória ne'ebé lahó maioria absoluta hosi partidu iha lejislativa 2017.

Dirijente sira hosi PLP ho KHUNTO, iha kampaña hosi eleisaun antesipadu 2018 nian, halo ona, durante komísiu sira, krítika maka'as hasoru Fretilin no atake pesoal sira ba Mari Alkatiri rasik.

"Polítika la halo bainhira haree ba kotuk. Halo hodi haree ba oin", Alkatiri hatete bainhira kestionadu kona-ba atake sira ne'e.

"Ami harii hela Estadu ida, ami hakarak atu Estadu ne'e hanesan metin, ne'ebé konstituisaun ho lei prevalese, Estadu ida hosi direitu demokrátiku. Ami labele haree ba kotuk no foti pozisaun sira ho baze ho saida maka akontese ona. Ha'u, dezde fila ba Timor-Leste, simu nafatin atake no ha'u nunka vinga ema ida", nia hatete.

Mari Alkatiri hatudu konvensidu katak modelu ne'e sei garanti estabilidade "iha nível sira hosi prosesu governasaun nian", no presiza resposta ba "fator sira seluk ba governasaun nian ne'ebé bele mosu hanesan fator sira blokeiu nian".

Alkatiri garanti katak sei la tama iha ezekutivu no sei lidera partidu "hodi manán eleisaun iha 2023".

Maski nune'e, nia insisti katak partidu sei mantén postura krítika, rekorda saida maka nia hatete hanesan "Governu konsekutivu oioin ne'ebé gasta ona osan barak lahó rezolve problema sira" nune'e hanesan importante "hadi'a saida maka aat, maibé la'ós hodi destrui".

"Ha'u senti konvensidu katak ne'e hanesan solusaun ne'ebé sei lori ami ba eleisaun sira ne'ebé justu liu, transparente liu no nune'e sai demokrátiku liu iha 2023", nia hatete.

Alkatiri rejeita argumentu hosi ema sira ne'ebé konsidera katak Governu demora halo atuasaun iha medida sira hasoru COVID-19, liuliu sosioekonómiku sira, hodi esplika katak "iha forsa sira blokeiu nian no desautorizasaun Governu nian", forsa sira hosi "poder informal ne'ebé hakarak supera ba poder formal" ne'ebé instituidu.

"Hanesan ne'e la fásil atu serbisu", nia hatete.

"Hanesan ezemplu, iha Portugal, partidu sira hotu hamutuk hodi kombate ba COVID-19. Hanesan ezemplu di'ak ida ba mundu no tuir loloos sai hanesan ezemplu di'ak ida ba ita", nia esplika.

Naran sira hosi membru foun sira hosi ezekutivu timoroan nian karik sei hatene iha loron hirak tuirmai. Lusa

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker