GMN TV Politika Funsionáriu empreza privadu no públiku sai mos benefisiáriu ba subsídiu USD 100.00

Funsionáriu empreza privadu no públiku sai mos benefisiáriu ba subsídiu USD 100.00

0 views

Ministru Estadu Koordenadór Asuntu Ekonómiku (MEKAE), Fidelis Manuel Leite Magalhães, hatete, tuir alvu prinsipal governu nian ba família hotu ho rendimentu menus husi dolar atus lima sei hetan direitu ba subsídiu família ho dolar amerikanu atus ida inklui mos traballadór empreza privadu no funsionáriu públiku sira ne’ebé simu saláriu menus husi dolar atus lima. 

“Ita iha Timor ita iha rejistu ba uma kain ne’e ita iha dadus husi sensus 2015 no  sensus agrikultura ne’ebé foin halo dadauk agora em termos dados desagregado ba kada uma kain agora maka como ita halo tia desizaun ida ne’e ministériu sira tenke asegura katak iha implementasaun bele hetan duni benefisiáriu ida ne’ebé mak merese duni. Tanba ne’e maka ita presiza tempu uitoan atu nune’e MAE no MSSI bele konfirma ho levantamentu dadus sira depois cross check ho dadus sira husi instituisaun sira seluk a nivel rendimentu ba família ida-idak nian”,hatete Ministru Estadu Koordenadór Assuntu Ekonómiku, Fidelis Manuel Magalhães, iha Sesta (24-04).

Nia afirma katak, kategoria ne’ebé governu uza atu fó subsídiu ba populasaun ne’e maka nível rendimentu familiar, laiha tan kategoria seluk. Fidélis mos konsidera bainhira Governu halo polítika ruma nia margen ba erro sempre iha tamba ne’e nia konsidera erro ne’ebé mak iha hanesan referencia ida ba ezekutivu hodi hadia fali polítika refere.

Konsellu Ministru Kinta (23-04) ne’e aprova ona dekretu Governu ne’ebé aprezenta husi Ministra Soliedariedade Sosial, Armanda Berta dos Santos, hodi apoiu direta osan dolar amerikanu atus ida ba kada uma kain iha Timor-Leste durante estadu emerjensia. Tuir requesitos ne’ebé mak preve iha dekretu ne’e família sira ne’ebé sei sai benefisiáriu ba subsidio ne’e, sira ne’ebé nia rendimentu menus husi dolar amerikanu atus lima kada fulan no família refere regista ona iha  livru rejistu uma kain nian to’o loron 31 resin fulan Marsu.

Entretanto tuir pakote estimulos ekonómiku ne’ebé mak Governo aprova ona sei fo mos subsídio pursentu 60 ba trabalhador sira hodi garante sira nia servisu. Além de ne’e trabalhador no empresa sira mos livre husi kontribuisaun  seguransa sosial durante estado emerjensia.  “Subsidio ida ba dolar 100 buat ketak ida no ida 60% buat ketak ida. 60% ne’e ita aplika ba kompanhia ne’ebé maka registu iha seguransa social. Ida fali mos atu informa katak 60% ne’e ba deit kompanhia ne’ebé mak registu iha seguran sosial. Entaun kompanhia ne’ebé maka sei dauk registu iha seguransa sosial ita husu deskulpa mais ita sei dauk bele fasilita. Se nia komunidade babain, mas nia iha kompanhia dobro pasiensia tamba situasaun ida ne’e tenki hanesan ne’e dunik. Mas agora dadaun mekanismu sei hanoin hela, processo hanusa se mak atu hetan Governo sei hanoin ba buat sira ne’e hotu”, hatete Presidente Instituto Nasional Seguransa Sosial,Longuinhos Armando, iha edifisio Ministério Soliedariedade Sosial sexta (24-04).

Tuir planu apoiu osan dólar atus ida ne’e sei implementa husi Ministériu Soliedariedade Sosial no Inkluzaun  koordenasaun ho Ministériu Administrasaun Estatal iha fulan maio ne’e. Total orsamentu ba pakote estimulos ekonómiku ne’ebé aprova ona hamutuk dólar tokon 142 fahe komponente tolu mak hanesan, apoio monetário, kréditu, no izensaun sira. Oct

 


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker