Ministru Estadu Koordenadór Assuntu Ekonómiko, Fidelis Magalhães, hateten, Governu kontrata kompañia airnorth ho valor dolar rihun 15 atu asegura konfirmasaun amostra COVID-19 husi Timor-Leste iha eskola ida naran Menzies School of Health Research iha Austrália.
Tuir Fidelis razaun Governu kontrata kompañia airnorth tamba amostra husi ema suspeito COVID-19 iha Timor-Leste tenke ba konfirma iha Darwin no ekipamentos medikos no ai-moruk sira husi Austrália tenki tula husi Austrlia. Governante mos konsidera kontratu ne’ebe halo ho airnorth diak liu do que kompañia área sira seluk.
“Ida ne’e garante dehan baratu. Baratu tamba além de nia folin rihun 15 no ema seluk husu (kompañia área seluk) ita bele dehan tres vezes liu fali airnorth. Tamba sa airnorth hakarak ho folin ne’ebe menus tres vezes husi sira seluk husu(kompañia área sira seluk). Airnorth nia argumento ida ne’e importante hodi assegura tamba Timor-Leste ninia parseiru.Ne’ebe iha situsaun dificil hanesan ne’e, hanesan parseiru nia labele husik hela Timor. Tamba ne’e mak nia konkorda ho ida ne’e(kontratu)”, hateten Fidelis Magalhães,hafoin reuniaun interministerial iha Salaun Ministerio Finansas Aitarak Laran Sexta(18-04). Membro Governu ne’e salienta tui kontratu Governu sei selu rihun 15, maibe se aviaun ne’e tula kargo ho montante rihun 3 maka iha fulan ikus Governu so selu rihun 12 deit no osan rihun 3 ne’e sei fila fali ba konta estado.
“Konsidera katak ita mos tenki assegura amostra sira ne’ebe ita foti husi suspeito ita nia maluk sira ne’ebe dehan iha sintomas covid-19 tenke ba konfirma iha Darwin no ekipamentos medicinais no ai-moruk sira husi Austrália tenki tama mai iha Timor-Leste. Ita bele dehan kontratu ne’ebe ita iha ho airnorth em termos valor diak liu ho kompetisaun sira seluk”, esplika.
Tuir Fidelis Magalhães, antes ne’e iha kompañia área besik haat mak halo kompetisaun hodi hetan kontratu. Maibe Governu hili airnorth tamba baratu. Governante ne’e salienta “amba sa mak tenki ba Austrália ? Tamba fonte medikamentu sira ho ekipamentu sira ne’e tenki mai husi Austrália”. Entretanto Aviaun Airnorth rasik sei halo voo entre Darwin Díli semana ida Dala tolu. Oct
