GMN TV Politika Kalohan : Labele kompara situasaun funu ho COVID-19

Kalohan : Labele kompara situasaun funu ho COVID-19

0 views

Deputadu bankada Partido Democrático (PD), António da Conceição “Kalohan”, husu ba reprezentante povu sira iha uma fukun Parlamentu Nasionál (PN) atu labele kompara situasaun funu iha tinan 24, ho situasaun surtu Corona Virus Disease 2019 (COVID-19), tanba situasaun rua ne’e la hanesan.

Situasaun funu iha espasu ba ema atu buka hahan no hetan apoiu hahan no sasan seluk liu husi liña frente klandestina, maibé iha situasaun COVID-19 no ho implementasaun Estadu Emerjénsia (EE) limita ema movimenta ba mai no buka osan, hodi sustenta nesesidade familía, ho nune’e, realidade dau-daun ne’e povu lubuk ida terus hela, tanba susar atu kompleta ai-han loro-loron ni’an.

“Debate ne’ebé ami halo iha ne’e, deputadu balun iha nível ida klaran ida leten ne’ebé mak moris ne’e kemesraan ni’an, entaun prontu hanoin dehan katak ema hotu-hotu ne’e di’ak hela de’it la falta ba buat ida, jeleira nakonu hela, ko’alia fali mak paun ho keizu, ema ne’ebá klase médiu ni’an, agora ita ko’alia ne’e populasaun ida kraik nini’an ne’e dehan hahan laiha ne’e-laiha duni, ita labele tanba polítika ita fó razaun ida katak ema hahan iha hela, ladauk mate hamlaha, pior liu ita kompara fila-fali situasaun ida ne’ebe normal ba situasaun ida funu nini’an ne’e mos laloos ida, vida funu ni’an ketak no vida normal ni’an ketak”, deputadu bankada PD ne’e ba jornalista sira iha PN, Kuarta (29-04-2020).

Kalohan mós rekomenda ba Governu atu aselera la-lais subsídiu familiár ba kada uma-kain iha Timor-Leste, durante periódu estensaun EE, nune’e bele atende nesesidade báziku ba kada família iha Timor-Leste.

Estensaun EE ba daruak ne’e, Prezidente Repúblika (PR), Francisco Guterres “Lú Olo” dekreta iha loron 28, fulan Abríl, hahú husi tuku 00:00 to’o loron 27, fulan Maiu, tuku 11:59, fulan Maiu, tinan ne’e. san


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker