GMN TV Politika KM altera dahuluk dekretu lei númeru 23/2017 hodi alastra tan SGK

KM altera dahuluk dekretu lei númeru 23/2017 hodi alastra tan SGK

0 views

Konsellu Ministru (KM) aprova projetu Dekretu-Lei, ne’ebé aprezenta husi Ministru Kordenador Asuntu Ekonómiku, Fidelis Manuel Leite Magalhães nomos husi Govenador Banku Sentral Timor-Leste (BCTL), Abrão de Vasconselos, kona-ba alterasaun dahuluk ba Dekreto Lei n°. 23/2017, loron 12 fulan-jullu, kona-ba Sistema Garantia Kréditu(SGK).

“MKAE no BCTL aprezenta kona-ba alterasaun dekretu lei garantia kreditu, proposta ba eskema garantia kreditu, agora ita alastra inklui, mós ba negosiu ki’ik sira atu sira bele asesu, nomos ita bele fó tuir la’os liu husi banku, maibé mikro kreditu sira bele partisipa,” dehan, Ministru Kordenador Asuntu Ekonómiku, Fidelis Manuel Leite Magalhães, iha Ministeriu Finansas, Kuarta (29/04/2020).

Governante ne’e esplika, Governu sei apoiu ba instituisaun finanseira sira, bele fó kreditu ba negosiu ki’ik sira, iha Timor-Leste (TL),atu nune’e sira bele, foti kreditu no halao sira nia aktividades, npo iha kazu ida ne’e governu sei fó garantia ba kreditu ne’ebé sira foti bele to’o 100%.

“Dekretu lei ne’e iha maibé uluk ne’e fó dalan ba banku sira mak partisipa, no banku sira mak fó kreditu ba sidadaun sira, maibé agora mikro finansas mós bele partisipa, ida ne’e mudansa foun ita mós loke aktividade ekonomik sira, lista ne’e ita loke atu nia tarjeitu klaru, hodi bele fó benefisiu ba agrikultor, no negosiu iha rai laran,” tenik, Fidelis.

Governante ne’e subliña, antes ne’e Governu aloka ona millaun USD 4, maibé partisipasaun sei ki’ik, montante ida ne’e ita haree para atu bele kontinua nafatin fó oportunidade ba iha negosiu ki’ik sira atu negosiu ki’ik  sira hotu bele rekore iha eskema garantia kreditu.

“Agora ne’e instituisaun kreditu sira bele partisipa, tamba ne’e inisiativa ida ne’e labele hein kleur liu, bainhira kleur liu nia impaktu laiha, agora ita ba liu redasaun final dekretu lei ne’e, depois sei haruka fila fali ba promulgasaun husi Prezidenti Repúblika, hafoin promulga governu bele implementa ona”afirma Fidelis.

Fidelis Leite Magalhães hatutan, eskema kreditu ida ne’e politika governu nian atu apoiu sidadaun ne’ebé halo negosiu ki’ik sira, hanesan kioske no agrikultur, tamba ne’e kolabora ho BCTL hodi bele ajuda iha implementasaun atu nune’e BCTL bele orienta banku komersial sira.Cin


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker