GMN TV Politika KM aprova dekretu governu kona-ba regras ezekusaun fundu COVID-19

KM aprova dekretu governu kona-ba regras ezekusaun fundu COVID-19

0 views

Konsellu Ministru (KM), aprova projeitu Dekretu Governu kona-ba regras ezekusaun husi despeza Corona Virus Disease 2019 (COVID-19).

Projeitu dekretu Governu ne’e aprezenta husi Ministra Finansas Interina, Sara Lobo Brites, fundu COVID-19, kria liu husi, Lei númeru 2/2020, loron 6 fulan Abril, no regula husi Dekretu Lei númeru 12/2020, loron 14 fulan Abril.

“Ministra Finansas aprezenta dekretu ezekusaun ba fundu COVID-19 ba KM, tamba iha loron hirak liu ba Prezidenti Repúblika promulga ona, dekretu lei ba kriasaun fundu COVID-19, ne’ebé bazeia ba lei, parlamentar ne’ebé mak finansia tokon USD 250 atu bele, kombate no prevensaun ba COVID-19,” haktuir, Ministra Finansas Interina, Sara Lobo Brites, iha Centru Conveçõens Díli (CCD), Kuarta (15/04/2020).

Governante ne’e esplika, objetivu husi dekretu ezekusaun ne’ebé aprova iha KM, atu bele estabelese regras no prosedimentu, ba iha ezekusaun husi aktividades ne’ebé mai husi, ministeriu sira, iha ambitu prevensaun no kombate COVID-19.

Sara Lobo hatutan, regras ne’ebé hatur iha ne’eba proposta hotu, husi ministeriu sira sei kanaliza ba iha, konsellu interministerial hodi hetan apresiasaun, hafoin bele hato’o ba komisaun fundu COVID-19,atu bele reve no prepara nia kabimentu orsamentu, no nia pagamentu depende ba pedidu husi ministeriu ida-idak.

Dekretu ne’e koalia liu-liu kona-ba, oinsa atu opersionaliza fundu ne’e rasik, dekretu ezekusaun ne’e rasik, koalia los deit ba fundu COVID-19 tamba, hatenek katak ezekusaun jeral regula ona husi, dekretu ezekusaun 2019 no mós, dekretu ezekusaun dotasuan temporaria.

“Ita haree proposta barak husi ministeriu ida-idak, ne’ebé sira nia kna’ar hanesan iha liña oin (front line), ba iha akizasaun, ai-moruk,  ekipamentus no atendimentu ba iha ita nia kuarentena no atendimentu sira seluk, no parte Defeza no Seguransa ho mós ministeriu seluk ne’ebé, iha ligasaun ho programa COVID-19,” tenik, Sara Lobo.

Governante ne’e afirma, atu evita Ministeriu ida-idak, halo nia proposta ita kanaliza hotu proposta hirak ne’e, liu husi Sentru Integradu Jestaun Krize (SIJK), sira mak sei prepara proposta iha programa no sub-programa, no aprezenta iha Konsellu Interministerial, hafoin hetan apresiasaun husi konsellu interministerial, hafoin hato’o ba konselu fundu COVID-19, atu bele opersionaliza nia ezekusaun.

Sara Subliña, Dekretu lei ne’e aprova maibé sujeitu ba alterasaun ki’ik balun, kona-ba durasaun tempu ba konsume, presiza atu prosesa pedidu ruma husi ministeriu sira.Cin

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker