Reuniaun Kosellu Ministro Extraordinário ne’ebe halao iha Ministério Finansas Ai-tarak laran, quarta-feira aprova ona plano sosioekonomiku atu bele hatan ba efeitu negativu sira ne’ebe hetan husi pandemia koronavírus iha ekonomia nasional. Tuir komunikadu ne’ebe mak GMN asessu iha segunda(20-04) husi Gabinete Presidensia Gonsellu Ministru(PGM), plano ekonómiku ne’e hetan ona aprovasaun husi komissaun interministerial ba kombate covid-19 iha sexta-semana kotuk. Komunikadu ba imprensa ne’e refere mos katak estimulo ekonómiku ne’e ho objetivu atu proteje ema hotu, salva empregu sira, mantein nafatin konsumo populsaun nian, no apoio ba atividade ba setor privadu nian.
“Planu ne’e inklui mos medida estratejika sira hanesan implementasaun sistema universal ida ba transferensia osan ne’ebe garante rendimentu basiku fula-fulan ba familia mais ou menus 214 .000.Iha parte seluk estimulo ekonomiku ne’e atu fo mos subsidiu mais ou menus pursentu neen nulu(60%) husi salariu mensal funsionario públiku sira setor formal nian ne’ebe tenke hela iha uma durante surto covid-19”, hateten komunikadu ba imprensa.
Estimulo ekonómiku ne’e atu garante mos atribuisaun subsidio sira ba ligasaun rai laran nian no ligasaun área semana ida dala tolu ne’ebe garante ligasaun medika no emerjénsia krusisiais ba Darwin, subsidio ba transporte marítima merkadoria ho Ataúro no Oecussi aumenta oras iha porto marítimo ba oras 24 kada loron. Alem de ne’e atribuisaun izensaun parsial no pagamentu de kontas ahi elétrika dólar 15 kada fulan no izensaun baa pagamentu kontas bee, kontribuisaun ba seguransa sosial no rendas ba propriedade Estadu nian, no programa kréditu ho taxas reduzida, garantia kréditu ba importadores ba sasan essensial sira no emprestimu emerjensia, implementasaun programa ida atu aumenta oferta aihan iha kosta sul no medidas atu garante disponibilidade fator sira produsaun agirkola, pekuaria no peska sira, fornesimentu bolsas ba mais ou menus 4 200 estudante timor oan iha estranjeiru no subsidio internet ba estudante sira iha Timor-Leste. Tuir Governo katak, gusto total medidas ne’e hotu sei proporsional ba impaktu ekonomiku lao hela.Oct
